БИЫЛ 1500 ПӘТЕР ТАПСЫРЫЛАДЫ

Қаланың оңтүстік-батыс бөлігін игеру қарқынды жүзеге асуда. Қаз-қатар тізілген көп қабатты тұрғын үйлердің қатары жыл өткен сайын көбейе түсуде. Көп ұзамай тағы бес үйдің құрылысы аяқталып, пайдалануға берілмек. Облыс әкімі А.Көлгінов құрылыс жұмыстарының барысымен танысып, мердігер компаняилар басшыларына нақты тапсырмалар берді. Өңір басшысы бұл күні Орал-Тасқала бағытындағы жол құрылысы жұмыстарына да зер салды. Орал-Атырау және Орал-Саратов тасжолдары аралығындағы жаңа шағынауданда тағы бес үйдің құрылысы аяқталу сатысында. Қазір кіреберіс және жаяу жүргіншілер жолы салынуда. Күзгі-көктемг

Marat 30 октября, 2016

Орал-Атырау және Орал-Саратов тасжолдары аралығындағы жаңа шағынауданда тағы бес үйдің құрылысы аяқталу сатысында. Қазір кіреберіс және жаяу жүргіншілер жолы салынуда. Күзгі-көктемгі лайсаңда тұрғындардың қатынауында қолайсыздықтардың болмауы үшін абаттандыру жұмыстарын талапқа сай жүргізу - мердігерлерге қойылған басты талап. Бес қабатты бес үйде 500 пәтер бар. 1,2 және 3 бөлмелік баспаналарда ішкі әрлеу, сырлау жұмыстары жүргізілуде. Мердігерлердің айтуынша, үйлерге жылу берілген. Ел Тәуелсіздігінің 25 жылдығы мерекесіне орай жаңа үйлердің кілттері кезекте тұрғандарға табысталмақ. Бұл - «Нұрлы жол» бағдарламасының игілігі. Биыл қазынадан бөлінген 17 млрд. теңге қаржыға облыс орталығы мен Ақсай қаласында 14 көп қабатты үй бой көтерді. Биыл жыл соңына дейін барлығы 1500 пәтер тапсырылмақ. Құрылыс барысында 1500 адамды жұмыспен қамтуға мүмкіндік туған. «Нұрлы жолдың» аясында өңірдің жол саласында да оң өзгерістер аз емес. Биыл Орал-Тасқала тас жолының үштен бірі тақтайдай тегістеліп, халық игілігіне берілмек. Жол құрылысы жұмыстарының барысымен танысқан Батыс Қазақстан облысының әкімі АЛТАЙ КӨЛГІНОВ жол сапасының стандартқа сәйкестігінің қатаң қадағалатындығын тағы да қадап айттты: - Біздің талабымыз - сапа. Жол төсемінің стандартқа сай салынуына басты назар аударылады. Ол үшін құрылыс материалдарының сапасы арнайы зертханада тексеріледі. Стандарттан ауытқу болса, қатаң шара алынады. Осыны ескеріңіздер. Орал-Тасқала бағытындағы жолдың алғашқы бөлігі 4-31 шақырымды қамтиды. Жол құрылысы жұмыстарына 240 адам мен 70 техника қамтылған. Ауа райы күрт құбылмалы өңірде озық технология жетістіктерін пайдалану - жолдың төзімділігін арттыруға сеп дейді жолшылар. - Біз жол салуда жер қабатының сыртқы әсерлерден бұзылмауы үшін арнайы технологияны пайдаландық. Ол геокомпозитті материалдарды төсеу немесе геотекстиль әдісі деп аталады. Ол көктемгі су тасқыны кезінде жер қабатының сыртқы әсерден бұзылмауына сеп болады. Сондай-ақ жер асты суларының да жол төсеміне әсерін төмендетеді, - дейді мердігер компанияның бас инженері НИКОЛАЙ КОНДОПУЛО. Өңірдегі жолдардың жағдайын жақсартуға биыл қазынадан 16,5 млрд. теңге қаржы бөлінді. Республикалық және аудандық маңыздағы жолдарды қосқанда 250 шақырымдай жол жөндеуден өткізілді.

Арман Курманалиев

Меню

БИЫЛ 1500 ПӘТЕР ТАПСЫРЫЛАДЫ

Читайте также

Новости партнёров