ҚҰРЫЛЫС КОМПАНИЯЛАРЫ ҚАЛА КЕЛБЕТІНЕ НҰҚСАН КЕЛТІРМЕУІ ТИІС

Жаңадан бой көтерген тұрғын үйлер мен өзге де нысандар заман талабына сай болуы керек. Құрылыс компаниялары тек құрылыс жүргізумен ғана шектелмей, осы ерекшеліктерді ескеруге міндетті. Қалалық әкімдікте өткізілген кеңесте осы мәселе талқыланды. Соңғы жылдары Орал қаласы ірі құрылыс алаңына айналды десек артық болмас. Әсіресе, көп қабатты тұрғын үйлер салынып, иелеріне табыс етілуде. Алайда, бұл құрылысты жүргізген компаниялар бұдан өзге де өз жауапкершіліктеріне мән беруді естен шығарғандай. Соның салдарынан қаланың келбетіне нұқсан келіп, жаңа нысандар өзінің бастапқы көркін жоғалтуда. - Барл

Marat 14 октября, 2016

Соңғы жылдары Орал қаласы ірі құрылыс алаңына айналды десек артық болмас. Әсіресе, көп қабатты тұрғын үйлер салынып, иелеріне табыс етілуде. Алайда, бұл құрылысты жүргізген компаниялар бұдан өзге де өз жауапкершіліктеріне мән беруді естен шығарғандай. Соның салдарынан қаланың келбетіне нұқсан келіп, жаңа нысандар өзінің бастапқы көркін жоғалтуда. - Барлық үйлерде дерлік балалар алаңқайлары дұрыс жасақталмаған. Сонымен қатар көп қабатты үйлердің балкондары бір тектес болуы керек. Құрылыс компаниялары мұны ескермеген. Соның салдарынан пәтер алғандар қолда бар материалдарды пайдаланады. Тіптен, кей пәтердің балкондары таспен қаланып, жабылып тасталынған. Ал, мердігерлер үйлерді тапсырған кезде барлық балкондарды әйнектеуге міндетті болатын. Тағы бір ескеретін жәйт, нысанның сыртқы қаспеттеріне заманауи материалдар қолданылсын, - деді Орал қаласы әкімінің орынбасары Алтынбек ҚАЙСАҒАЛИЕВ. Бұдан өзге аулаларды абаттандыру, тал-теректер отырғызу, қоқыс төгетін орындарды орналастыру жайы да сөз болды. Жаңа қонысқа енгендер осындай ортақ іске араласуда енжарлық танытады дейді сөз алғандар. Ең өткір мәселе, қаланың тазалығы. Бас шаһарды қаншама жиыстырып, сыпырғанымен тазалық сын көтермейді. Бұған әсіресе, құрылысқа қатысушы ірілі-ұсақты көліктердің кінәсі басым. Ендігі жерде барлық құрылыс компаниялары өз нысандарында көліктерді жуатын арнайы қондырғылар орнатуға міндетелмек. - Мұндай қондырғыларды орнату үшін 1 ай мерзім беріледі. Бұдан соң түрлі шаралар алынып, айыппұлдар салынады. Біздің мақсатымыз сіздерді жазалау емес. Қаланың тазалығы бәрімізге ортақ іс. Бір компания жолды төсеп жатырса, енді біреулері оны бүлдіріп, опырып жатыр. Осы кезге дейін осындай әрекеттері үшін 10 айлық есептік көрсеткіш көлеміндегі 2714 хаттама толтырылып, 6 миллион теңгеден астам айып салынған. Бірақ, бұл мәселенің шешімі емес, - деді Орал қаласы әкімінің орынбасары Алтынбек ҚАЙСАҒАЛИЕВ. Ендігі жерде нысанның паспорттары ілінгеннен соң ғана оларға құрылысты бастауға рұқсат беріледі. Оны қоршаумен бекіту де міндеттеледі. Себебі, адамдар қай жерде қандай нысанның салынып жатырғанынан бейхабар. Кеңесте 10-шы қазанда күшіне енген үлескерлердің қаржысын игеру туралы заң талаптарын кеңінен түсіндіру, бұл өзгеріс туралы тұрғындарға нақты ақпараттар беру жайы ескертілді. Себебі, бұған дейін халықтың баспаналы болсам деп бар жиған тергенін қалтаға басып, өздері іздерін жасырған, тіптен шет ел асқан құрылыс компаниялары туралы аз айтылған жоқ. Кеңесте айтылған тапсырмалардың толықтай орындалуына 1 ай мерзім уақыт белгіленді.

Арман Курманалиев

Меню

ҚҰРЫЛЫС КОМПАНИЯЛАРЫ ҚАЛА КЕЛБЕТІНЕ НҰҚСАН КЕЛТІРМЕУІ ТИІС

Читайте также

Новости партнёров