Дос Көшім: Қазақ тілінің жағдайын Назарбаевтан асырып айтқан ешкім жоқ

"Қазақстан" ұлттық арнасында тұсауы кесілген "Ой толғау" бағдарламасының алғашқы санына саясаттанушы Дос Көшім мен мәжіліс депутаты Бақытбек Смағұл қатысты. Аталған бағдарлама барысында саясаттанушы Дос Көшім қазақ тіліне қатысты ойымен бөлісті деп жазады NUR.KZ. "Біздің билікте қазақ тілін білмейтін министрлер, шенеуніктер бар десем, шетелдік достарым сенбейді. Мұны менің басшылыққа ренішім деп қабылдайды. Сондайда мен: "Бізде қазақша білмейтін облыс басшылары да бар" деймін. Міне, біздегі жағдай осындай", - деді талай жылдан бері қазақ тілінің мәселесін көтеріп жүрген саясаттанушы Дос Көшім.

Marat 22 сентября, 2016

"Қазақстан" ұлттық арнасында тұсауы кесілген "Ой толғау" бағдарламасының алғашқы санына саясаттанушы Дос Көшім мен мәжіліс депутаты Бақытбек Смағұл қатысты.

Аталған бағдарлама барысында саясаттанушы Дос Көшім қазақ тіліне қатысты ойымен бөлісті деп жазады NUR.KZ. "Біздің билікте қазақ тілін білмейтін министрлер, шенеуніктер бар десем, шетелдік достарым сенбейді. Мұны менің басшылыққа ренішім деп қабылдайды. Сондайда мен: "Бізде қазақша білмейтін облыс басшылары да бар" деймін. Міне, біздегі жағдай осындай", - деді талай жылдан бері қазақ тілінің мәселесін көтеріп жүрген саясаттанушы Дос Көшім. Сонымен қатар, саясаттанушы президент Нұрсұлтан Назарбаев қазақ тілінің жағдайын кез-келген ұлтжанды азаматтан асырып айтқанын да жеткізді. "Қазақ тілінің жағдайын Назарбаев кез-келген ұлтжанды адамнан артық айтты. Осыдан 3-4 жыл бұрын президент ассамблеяның жиынына қатысқанда, еліміздегі кәріс ұлтының өкілі Роман Ким қазақша сөйледі. Сол кезде Назарбаев: "Осы жерде жүз қазақ, бес орыс отырса, бәріміз орысша сөйлейміз. Міне, осындай сорлы халықпыз" деді. Осыдан артық қалай жеткізу керек сонда? Сол жерде отырған шенділер осы сөзден кейін ойланбады ма?", - деді Дос Көшім хабар барысында.

Досмахамбет (Дос) Қалмаханұлы Көшім 1955 жылы 21 қазанда Оңтүстік Қазақстан облысы Арыс қаласында дүниеге келген. 1981 жылы С.М.Киров атындағы Қазақтың Мемлекеттік Университін бітірген. Мамандығы – филолог. Республикада алғаш рет 1988 жылы «Ана тілі» қоғамын құрушының бірі. 1990 жылы Қазақ еліндегі ең алғашқы саяси партия - Қазақ Социал-Демократиялық партиясын ұйымдастырушылардың бірі және сол партияның алғашқыда тең төрағасы, кейін төрағасы қызметін атқарды (1990-1994). 1991 жылы Азаматтық «Азат» қозғалысы төрағасының орынбасары, Кеңес Одағының Демократиялық Конгресінің тең төрағаларының бірі болып сайланады. 1996 жылы «Демократияны қазақ тілінде оқытып үйрету және тарату» Орталығын құрады. 1998 жылы республикалық «Әділ сайлау жолында» қозғалысын ұйымдастырушылардың бірі ретінде жауапқа тартылады. 1999-2005 жылдардың аралығында «Тәуелсіз бақылаушылардың республикалық жүйесі» қоғамдық бірлестігін құрушы және сол ұйымның президенті қызметін атқарады. 2005 жылы ұлтшылдардың республикалық «Ұлт тағдыры» қозғалысын ұйымдастырушылардың бірі және бүгінге дейін сол бірлестіктің төрағасы. 1994 жылы демократияға сіңірген еңбегі үшін АҚШ-тың «Техас штатының Құрметті азаматы» атағы беріледі, 2006 жылы «Қазақстанға еңбегі сіңген қайраткері» атағымен, ал 2008 жылы Тіл комитетінің «Қазақ тілінің жанашыры» төсбелгісімен марапатталған. alashainasy.kz

Меню

Дос Көшім: Қазақ тілінің жағдайын Назарбаевтан асырып айтқан ешкім жоқ

Читайте также

Новости партнёров