МЕРДІГЕР КОМПАНИЯЛАР ІСІ СОТҚА БЕРІЛДІ

Marat 20 октября, 2016

Биылғы мерекелік жылы Орал қалаларындағы көлік жолдары жөнделіп, тұрғындар қуанышқа кенелгені мәлім. Дейтұрғанмен кейбір мердігер компаниялар жөндеу жұмыстарын мерзімінде аяқтай алмай отырғаны да рас.
sud2
«Балтемен», әкімдік сотқа берген төрт компанияның бірі. Серіктестік екі жыл бұрын 7, 9-шы ықшамаудандарындағы ішкі орам жолдарын жөндеуге кіріскен болатын. Нысанды тамызда тапсыруы тиіс еді, әйтсе де құрылыс жұмыстары әлі жалғасуда. Ал компания басшылығы болса істеріндегі іркілістердің өзіндік себебі бар екенін айтады. - Біріншіден төселуі тиіс жолдың астында кәріз желісі мен коллектор орналасап, оны басқа аумаққа көшіру уақыт алды. Бұл жоспарда жоқ болатын. Жол бойындағы гараждарды бұзуменде біржарым айдай арпалыстық. Сондай ақ коммерциялық нысанның кедергі болуына байланысты көшені бұруға тура келді. Тиісінше жоба қайта сызылып, жаңартылған нұсқасы тек тамыздың соңында қолымызға тиді. Ал жұмысты тамыздың басында бітіру керек болатын, - дейді «Балтемен» ЖШС директорының орынбасары ВЯЧЕСЛАВ ЧЕФЕЛЕВ. Қазір жөндеу жұмыстары 95 пайызға орындалып, қалған бөлігін екі аптада толық аяқтау межеленген. «Пирамида» серіктестігі де өз міндетін дер уақытында атқара алмай отыр. Яғни, Есқалиев көшесін қайта жаңғыртудың жыры таусылар емес. - «Пирамида» ЖШС бойынша, олар шілде айында тапсыруы керек еді. Қазір үш айға уақыт өткізгені үшін сотқа жүгінуге мәжбүр болдық. Жақын арада сот шешімі жарияланады. Әлі нысан тапсырылмаған, - дейді Орал қалалық ТҮКШ және автокөлік жолдары бөлімі секторының бас маманы СЕРІК ҒАЛИЕВ. Ал «Ақсайинжстрой» және «Нұржолстрой» компаниялары, төсеген жолдары жарамсыз күйге түскенде оны қайта жөндеуден бас тартқан. Кепілдік міндеттемелерін орындамаған қос кәсіпорынның ісі енді сотта қаралады. Егерде сот, аталған құрылыс компанияларын жосықсыз өнім беруші деп тапса, олар келер жылы мемлекеттік сатып алу бойынша тендерлерге қатыса алмайды. Тағы бір жаңалық, енді салынған жолға берілетін кепілдік мерзімі үш емес, бес жылды құрамақ. Осы аралықта мердігер істен шыққан жолды қалпына келтіріп отыруға міндетті. Бұл талап, жауапкершілік жүгін арттырып қана қоймай, жолдың сапасын жақсартуға да мүмкіндік туғызбақ.

Арман Курманалиев

Меню

МЕРДІГЕР КОМПАНИЯЛАР ІСІ СОТҚА БЕРІЛДІ

Читайте также

Новости партнёров