МИЯ ТАМЫРЫНЫҢ ШИПАЛЫ СЫҒЫНДЫСЫ ҚАЛДЫҚСЫЗ ӨНДІРІЛЕДІ

Мың сан дертке дауа мия шөбі – әлемде сирек кездесетін өсімдік. Әсіресе, оның бағалы тамырын тек шикізат ретінде шетке сатпай, өздері өңдеп, өндіріп отырған кәсіпорындар бар. Солардың бірі - «Лакрица Приуралье» серіктестігі. Дәрі-дәрмек, азық-түлік, өнеркәсіп саласында қолданылатын балдай өнімнің қалай алынатынын тілшіміз біліп келді. Аулада тау-тау боп үйілген мия тамыры көктемнен қара күзге дейін жиналады. Оны кәсіпорын жұмысшылары ауыл-ауылға шығып, даладан трактормен орып алады. Шикізат әуелі диірменде уатылып, ұсақталады. Содан соң қапқа тиеліп, басты цехқа әкелінеді. Мұнда ұсақталған мия

Marat 15 октября, 2016

Аулада тау-тау боп үйілген мия тамыры көктемнен қара күзге дейін жиналады. Оны кәсіпорын жұмысшылары ауыл-ауылға шығып, даладан трактормен орып алады. Шикізат әуелі диірменде уатылып, ұсақталады. Содан соң қапқа тиеліп, басты цехқа әкелінеді. Мұнда ұсақталған мия тамыры арнайы құтыларға салынып, сығындысы алынады. Бұдан әрі сұйықтық түрлі температурада, белгілі бір уақытта қайнатылады. Өндіріс автоматтандырылғанымен, оның бәрін мамандар бақылауда ұстайды. Мия тамырын өңдейтін кәсіпорын 2008 жылы іске қосылған. Арнайы бөшкелерге құйылған дайын өнім – мия тамырының бал тәріздес қоймалжың сығындысы. Бұл шипалы шырын дәрі-дәрмек, азық-түлік, өнеркәсіп саласында да қолданылады. Сирек өнімге сұраныс мол. - Айына 20-25 тонна өнім шығарамыз. Сұраныс көп. Кондитерлік фабрикалар алады, фармацевтикалық кәсіпорындар сұрайды, металлургия саласында да қолданылады. Тек қана Қазақстан емес, Украина, Ресей елдерінен де әріптестеріміз бар- дейді кәсіпорын директорының орынбасары Ринат ИНТАШЕВ. Кәсіпорынның тағы бір ерекшелігі – өндіріс қалдықсыз өнім шығаруға көшкен. Мия тамырының сығындысы алынғаннан кейін одан көң-қалдық қалады. Бірақ бұл зат та кәдеге асады. Қалдық жиналып, кептіріліп, құрама жем жасалады. Ал бұл малдың күйлі болуына таптырмайтын азық. Жыл соңына дейін құрама жем шығаратын жаңа өндірістік желі толық қуаттылығына көшеді. Және кәсіпорын мия тамырынан тек дертке дауа, емге шипа болатын сығынды ғана емес, ұнтақ та шығармақшы. Бағалы өнімге бүгінде шетелдік инвесторлар қызығушылық танытып, өздері іздеп келген. Келешекте іскерлік әріптестік арқылы кәсіпорын өрісін кеңейтпек. Мия – бұршақ тұқымдасына жататын көпжылдық шөптесін өсімдіктер. Қазақстанның шөл, шөлейтті, далалы аймақтарында өсетін 5 түрі бар. Қызылорда облысының барлық аймақтарында кездеседі. Биіктігі 10 – 80 см-дей, тамыры жуан. Сабағы тік өседі, жапырақтар қандауыр тәрізді, қарама-қарсы орналасады. Гүлдері көк, күлгін түсті, селдір шашақ гүлшоғырына топтасқан. Тұқымы арқылы немесе вегетативті жолмен көбейеді. Маусым – шілдеде гүлдеп, шілде – тамыз айларында жеміс салады. Жемісі – қабықты бұршақ. Бұл өсімдік жылына бірнеше жүздеген ұрық салады. Тұқымы топырақта 2 – 3 жылға дейін тіршілігін жоймайды.

Арман Курманалиев

Меню

МИЯ ТАМЫРЫНЫҢ ШИПАЛЫ СЫҒЫНДЫСЫ ҚАЛДЫҚСЫЗ ӨНДІРІЛЕДІ

Читайте также

Новости партнёров