Облыстық тубдиспансер жабылмайды

Қазақстандағы тубуркулез ауруына қатысты жағдай 9 көрсеткішке жоғарылаған. Бүгінде еліміз әлемдегі 138 мемлекеттің ішінен 92-ші орында тұр. ДДҰ 2035 жылға дейін тубуркулез ауруынан болатын өлім-жітімді 95 пайызға, аурушаңдықты 90 пайызға төмендетуді мақсат еткен. Сондықтан әлемдегі беделімізге нұқсан келмеу үшін біздің елдің де көрсеткіштері жақсаруы тиіс. Бұл бағытта қандай шаралар қолға алынып отырғанын Ұлттық туберкулезге қарсы орталығының директоры Жұмағали Исмаилов мәлімдеді. Ел арасында құрт ауруы деп аталатын туберкулез дертінің тек қана әлеуметтік қана емес, саяси да мәні бар. Яғни, бұ

Marat 1 ноября, 2016

Ел арасында құрт ауруы деп аталатын туберкулез дертінің тек қана әлеуметтік қана емес, саяси да мәні бар. Яғни, бұл індет елдің әлемдегі беделін айқындауға белгілі бір деңгейде ықпал етеді. Қазақстан дамыған 30 мемлекеттің қатарына жетуі үшін осы ауруға қатысты екі индикатор бойынша көрсеткіштерін жақсартуы тиіс. Қазірдің өзінде қазақ елі әлемдік бағалаудағы 101-ші орнынан 92-ге көтеріліп, бұл бағыттағы жұмысын ширатқан. Ал ДДҰ 2035 жылға дейін туберкулезді 90 пайызға дейін жою мақсатын қойып отыр. Бұл ұйымға мүше біздің ел – 2025 жылға қарай жұқпалы дерттің таралуы мен өлім-жітімді азайту бойынша шараларды қолға алған. Ұлттық туберкулезге қарсы орталығының директоры ЖҰМАҒАЛИ ИСМАИЛОВТЫҢ айтуы бойынша, елімізде біріктірілген интеграциялық туберкулезді бақылау моделі енгізілген. Соған сай туберкулезге қарсы ауруханалар біріктіріледі. Және бастапқы медициналық көмек пен туберкулезге қарсы көмектің ынтымақтастығын арттыру. Яғни, жаңа модельге сай тубуркулездің жабық түріне шалдыққан жандар жұртпен бірге емханаға барады. Бірақ олар емханаға келген басқа тұрғындарға ауру жұқтырады деп қауіптенудің қажеті жоқ дейді маман. Өйткені олар бактерия таратпайды. Жалпы туберкулез ауруына шалдыққандардың 65 пайызы сырқаттың жеңіл түрімен ауырады екен. Бүгінде елімізде 165 емхана жаңа жүйемен жұмыс істеуде. Тубге қарсы ауруханалар ірілендіріліп, бір заңды тұлғаға біріктірілген. Бұл жұмыс біздің облыста да жүйеленген. Осы ретте өңірдің бас дәрігері облыстық тубдиспансердің жабылуы туралы әңгімені жоққа шығарды. - Бірден кесіп айтайын, облыстық тубдиспансер жабылмайды. Қазір жұмыс істеп жатыр. Бізде тек аудандардағы тиімсіз болған туберкулез ауруханалары жабылды. Өйткені ауруды жеңіп, аурушаңдықты күрт төмендетуге қол жеткізілді. Ал нағыз ауру жұқтыратын ауыр науқастарды облыстық тубдиспансерде емдейміз, - деді БҚО денсаулық сақтау басқармасының басшысы ҚАМИДОЛЛА ИРМЕНОВ. Бүгінде өңірде облыстық тубдиспансерден басқа, Дариян ауылында шипажай және мәжбүрлі түрде емдеуге арналған ауданаралық аурухана жұмыс істейді. Қабылданған шаралардың көмегімен тубуркулезге алғаш шалдыққандарды емдеу 89,2 пайызға, ал ауыр науқастарды емдеу 75,5 пайызға жеткен. Жалпы өткен жылмен салыстырғанда облыста 10 айда ауруға шалдығу 12 пайызға төмендепті. Ал өлім-жітім 14,3 пайызға азайған. Бұл тубуркулезге қарсы кешенді іс-шараларды ұйымдастырудың арқасында мүмкін болып отыр. Жаңа жүйені енгізу дәрігерлердің жауапкершілігімен қатар, азаматтардың да сырқат жанға түсіністікпен қарауын қажет етеді.

Арман Курманалиев

Меню

Облыстық тубдиспансер жабылмайды

Читайте также

Новости партнёров