ОРАЛ ҚАЛАСЫНДА 40 ҮЙ АПАТТЫ ДЕП ТАНЫЛҒАН

Жұмабаевтар отбасы ХІХ ғасырда салынған үйдің жертөлесінде тұрып келеді. Баспана апатты деп танылмаса да, жөндеуге келмейді дейді тұрғындар. Бұған тұрғын үй-шаруашылық бөлімі мамандарының айтар өз уәжі бар. Жалпы қалада 40 үй апатты деп танылған. Бұл мәселе қалай шешіледі? Жұмабаевтар отбасының отыз шаршы метр аядай баспанада тұрғанына 10 жыл болған. Сыздан үйдің қабырғасы көгеріп, сылағы жарылып тұр. Иісі де қолқаны қабады. Жылда әктеп-сырлаймыз, бірақ ескі үй жөндеуге келмейді дейді көпбалалы ана. Әсіресе, үш айлық сәбиге обал. Сыз бен дымқылдан нәресте де деміге бастаған. - Кішкентайым атты

Marat 17 октября, 2016

Жұмабаевтар отбасының отыз шаршы метр аядай баспанада тұрғанына 10 жыл болған. Сыздан үйдің қабырғасы көгеріп, сылағы жарылып тұр. Иісі де қолқаны қабады. Жылда әктеп-сырлаймыз, бірақ ескі үй жөндеуге келмейді дейді көпбалалы ана. Әсіресе, үш айлық сәбиге обал. Сыз бен дымқылдан нәресте де деміге бастаған. - Кішкентайым атты ауырып тұр. Үйдің жөндеуін жыл сайын жасаймыз, бірақ сылағы түсіп, құлап қала береді. Үй мен жердің кезегінде тұрмыз. Бәлкім, сол үйдің кезегін тезірек жылжытуға жергілікті билік өкілдері көмекссе деймін, – дейді көп балалы анаЗӘМЗӘГҮЛ ЖҰМАБАЕВА. Екі қабатты үйдің жертөлесінде жеті адам тұрып жатыр.Бес баланың үлкені 18-де, ең кішісі үш айлық нәресте. Бірақ тұрғындар баспанамыз жөндеуге келмейді десе де, 1864 жылы салынған бұл үй апатты деп танылмаған. Ол үшін пәтер иелері сарапшы мамандардың көмегіне жүгінуі тиіс. - Комсомольская көшесіндегі № 72 үй апатты үйлер тізімінде жоқ. Тұрғындар бұрын арыз жазған шығар, үйдің жағдайы бойынша, бірақ ол апатты деп танылмаған. Ол үшін тұрғындар өздері мамандарға жолығып, аттестациядан өткізу керек үйді. Егер арнайы мамандар үйді тексеріп, оған жөндеу жұмыстарын жасау тиімсіз деп, үйді апатты деп таныса, сонда ғана біз тізімге енгіземіз, - деп түсіндірді Орал қалалық ТҮКШ және автокөлік жолдары бөлімі басшысының орынбасары МЕРЖАН НҰРТАЗИЕВ. Орал - көне шаһар болғандықтан, қалада 19-20 ғасырда салынып, тозығы жеткен, не жөндеуге тиімсіз 200-дей үй бар. Одан бөлек 40 үй апатты деп танылған. Апатты үйлер мәселесі өңірде мемлекеттік-жекеменшік әріптестік бағдарламасымен шешілуде. Өткен жылы қалада 4 апатты үй сүріліп, орнына екі 9 қабатты баспана салынып жатқаны белгілі. Қазір уақытша қоныстағы тұрғындар кейін жаңа үйлерге көшірілетін болады. Бәлкім, біздің кейіпкеріміз де бұл бағдарламаның игілігін көріп қалар.

Арман Курманалиев

Меню

ОРАЛ ҚАЛАСЫНДА 40 ҮЙ АПАТТЫ ДЕП ТАНЫЛҒАН

Читайте также

Новости партнёров