ОРАЛ ҚАЛАСЫНДА ЖЫЛ БАСЫНАН БЕРІ 11 ЖЕКЕ БАЛАБАҚША АШЫЛҒАН

2010 жылы Орал қаласында 3 жеке балабақша болған болса, бүгінде олардың саны 21-ге жеткен. Мемлекеттен қолдау тапқан кәсіпкерлер мектепке дейінгі тәрбие ұйымын ашуға белсене кірісуде. Жеке балабақшадағы тәрбиелік-танымдық жұмыстардың сапасы қандай? Бұл істі қолға алуға ынталы кәсіпкерлер үшін қандай жеңілдіктер қарастырылған? Бүгінде Орал қаласындағы жеке балабақшаларда 1500-ден астам бүлдіршін тәлім тәрбие алуда. Жеке тәрбие ұйымдарының барлығы дерлік мемлекеттік-жекеменшік әріптестік негізінде жұмыс істейді. Әдістемелік және қаржылық қолдау тапқан кәсіпкерлер танымдық-тәрбиелік жұмыстарды ме

Marat 22 октября, 2016

Бүгінде Орал қаласындағы жеке балабақшаларда 1500-ден астам бүлдіршін тәлім тәрбие алуда. Жеке тәрбие ұйымдарының барлығы дерлік мемлекеттік-жекеменшік әріптестік негізінде жұмыс істейді. Әдістемелік және қаржылық қолдау тапқан кәсіпкерлер танымдық-тәрбиелік жұмыстарды мемлекеттік стандартқа сай жүргізуге көңіл бөлудеміз дейді. - Мемлекет бүкіл жағдайды жасап отыр. Жеке балабақшалар мемлекеттік тапсырысқа ие. Мемлекеттік-жекеменшік әріптестікті дамыту жөніндегі елбасы саясаты жүйелі жүзеге асуда. Жеке балабақша ашу, лицензия алу, санитарлық қадағалау қызметі құжаттарын рәсімдеу анағұрлым жеңілдетілді. Біздерге мемлекеттік балабақшалармен тең тұрғыда көңіл бөлінеді. Талап та сондай. Сондықтан да мемлекттік стандарттарға сай болуға ұмтыламыз, - дейді «Жаңа толқын Орал» ЖШС бас директоры БОРИС ЛАВРЕНТЬЕВ. Бала тәрбиесі деген жауапты істі өз міндетіне алғандар бұл кәсіптің табыс көзі екендігін жасырмайды. Мемлекеттен әр балаға бөлінетін 16 мың 800 теңге күнделікті оқу-тәрбие мен күтімге жұмсалатын шығындарды еңсеруге үлкен сеп болып отыр. Оған қоса, балабақша ашуды жоспарлаған кәсіпкерлерге жер телімін алу, құрылыс салу бойынша да қолдаулар қарастырылған. - Мемлекеттік-жекеменшік әріптестік бойынша мемлекет кәсіпкерге өз ісін ашуға көмектеседі. Жер телімін бөлу, инфрақұрылыммен қамту бойынша қолдаулар бар. Кәсіпкер нысанды салған соң оны мемлекетке сатуға мүмкіндігі бар. Өзі жеке балабақшаны ашып, жұмыс істеймін десе, оған да құба-құп, - дейді Орал қалалық білім беру бөлімінің бас маманы Майнер ТӨЛЕШЕВА. «Алмақтың да салмағы бар» деген сала мамандары жеке балабақшалардағы білім мен тәрбие сапасының басты назарда екендігін айтады. Бұл ретте тәжірибелі де білікті мамандарды іріктеу - ең басты талап болып отыр. Оқу-тәрбие жоспары мемлекеттік стандартқа сәйкес жасақталуы тиіс. Осындай талаптарға сай боламын деген кәсіпкерлер саны жыл өткен сайын арта түсуде. Орал қаласында тек жыл басынан бері 11 жеке балабақша өз жұмысын бастаған. Тағы екі кәсіпкер мемлекеттік-жекеменшік әріптестік негізінде 360 және 290 балаға арналған балабақшалар салу жөніндегі жобаларын ұсынып отыр.

Арман Курманалиев

Меню

ОРАЛ ҚАЛАСЫНДА ЖЫЛ БАСЫНАН БЕРІ 11 ЖЕКЕ БАЛАБАҚША АШЫЛҒАН

Читайте также

Новости партнёров