ОРАЛДА ВЕЛОТҰРАҚ ОРНАТЫЛДЫ

«Ақжайық» стадионының кіреберісіне велотұрақ орнатылды. Жаттығуға не жұмысқа «шайтанарбамен» баратын үлкен-кіші үшін бұл нағыз қажеттілік. Игі істі «Нұр Отан» партиясының бастауыш ұйымы қолға алған. Аңсардың үйінен «Ақжайық» стадионына дейін жарты сағаттық жол. Футбол командасында жаттығатын ол мұнда велосипедпен келеді. «Бұрын «қос дөңгелекті» көлігімізді қоярға жер таппайтын едік. Тұрақ салғалы мәселеміз шешілді» дейді великті серік еткен жан. - Бұрын мына тұрақ болмаған кезде велосипедті ішке стадионға алып кіріп, баспалдақпен көтеріп, әуре-сарсаңға түсетін едік. Енді қазір тұрақ салып, жақ

Marat 12 октября, 2016

Аңсардың үйінен «Ақжайық» стадионына дейін жарты сағаттық жол. Футбол командасында жаттығатын ол мұнда велосипедпен келеді. «Бұрын «қос дөңгелекті» көлігімізді қоярға жер таппайтын едік. Тұрақ салғалы мәселеміз шешілді» дейді великті серік еткен жан. - Бұрын мына тұрақ болмаған кезде велосипедті ішке стадионға алып кіріп, баспалдақпен көтеріп, әуре-сарсаңға түсетін едік. Енді қазір тұрақ салып, жақсы болды. Өйткені, «темір тұлпарымызға» сенімдіміз. Қауіпсіз. Біреу алып кетеді деп қорықпайсың. Өзім велосипед тепкенді жақсы көремін. Бұл спорт әрі денсаулыққа пайдалы. Бұрын велосипедім болмағанда, үйден бері қарай автобуспен келіп, оның ішінде ығы-жығы адым, өте ыңғайсыз еді, - дейді «Ақжайық» футбол командасының ойыншысы АҢСАР ҒАЛИАҚПАРОВ Қарапайым велотұрақты «Нұр Отанның» бастауыш партия ұйымы орнатқан. Әзірге 10 орындық. Егер сұраныс болса, тұрақты кеңейтеміз дейді соңғы кезде белсенділігі арта түскен бастауыш ұйымның төрағасы. - Осы стадионды аралағанда келушілердің велосипед қояр орны жоқ екенін естіп білдік. Сосын бастауыш партия ұйымының мүшесі ретінде осы бастаманы қолдап, жүзеге асырдық. Металл сатып алып, дәнекерлеп, осындай тұрақ жасадық. Біздің осы әрекетіміз басқаларға үлгі болсын дейміз. Әкімдікті не басқа біреулерді сынамас бұрын, өзіміз, азамат ретінде қала үшін не істедік деп ойланып, әркім қолынан келгенін жасау керек. Сонда ғана қаламыз дамып, көркейе түспек, - дейді «Қазақтелеком» АҚ бастауыш партия ұйымының төрағасы ВЛАДИМИР ТКАЧЕВ Бастама «Жастар Отанға» жобасының аясында қолға алынған. Бұдан әрі бастауыш партия ұйымы қайырымдылық аясында адрестік көмек көрсетпек. «Жастар - Отанға!» акциясы - жастар арасында есірткі бизнесіне жол бермеу, қылмыстық әрекеттерді жою, аудан жастарына жан-жақты қолдау көрсету және Отанға деген суйспешілігі мен патриоттық сана сезімін оятуға зор мүмкіндік береді дейді ұйымдастырушылар. Акция барысында заманауи қызықты спорттық және сауықтыру шаралары, шерулер, оқушылардың асфальтқа сурет салу, сонымен қатар аудан талантты жастардың өнерін байқайтын мерекелік гала концертті өткізу жоспарланған.

Арман Курманалиев

Меню

ОРАЛДА ВЕЛОТҰРАҚ ОРНАТЫЛДЫ

Читайте также

Новости партнёров