РЕСПУБЛИКАЛЫҚ ТЕАТРЛАР ФЕСТИВАЛІ ЖАҢА «ӘН-МҰХИТ» ҚОЙЫЛЫМЫМЕН АШЫЛДЫ

«Мәңгілік елдің алтын адамы». Осындай атаумен Оралда ақын-драматург, Мемлекеттік сыйлықтың лауреаты, халықаралық «Алаш» және тәуелсіз «Тарлан» сыйлықтарының иегері Иран-Ғайып атындағы республикалық театрлар фестивалі ашылды. Тәуелсіздіктің ширек ғасырлық мерейтойына арналған өнер бәйгесінде «Ән-Мұхит» драмалық дастанының тұсауы кесілді. Осы қойылыммен БҚО қазақ драма театрының ХХІV маусымы да ашылды. Қазанның 22-сінде басталған фестиваль 5 күнге созылады. Өнер бәйгесіне елдің шығысы мен батысы, оңтүстігінен 4 театр қатысуда. Атап айтқанда, Алматыдан Ғ.Мүсірепов атындағы Қазақ мемлекеттік акаде

Marat 24 октября, 2016

Өнер бәйгесіне елдің шығысы мен батысы, оңтүстігінен 4 театр қатысуда. Атап айтқанда, Алматыдан Ғ.Мүсірепов атындағы Қазақ мемлекеттік академиялық балалар және жасөспірімдер театры, Семейден Абай атындағы мемлекеттік қазақ музыкалық драма театры, Шымкенттен орыс драма театры алыстан ат арытып келді. Және өзіміздің Орал театры да бәйгеге атын қосты. Өнер ұжымдарының барлығы бірдей Тәуелсіздікті аңсаған тұлғалар өмірін тірілткен Иран-Ғайыптың шығармаларын сахналамақ. Фестивальғақонақ ретінде Македония, Моңғолия, Алматы, Ақтау, Атыраудан өнер қайраткерлері арнайы қатысуда. Бұдан бір ай бұрын Орал театры Македонияның Велес қаласында өткен «Стоби - 2016» антикалық драма театрларының халықаралық фестивалінде Бас жүлде мен «Ең үздік режиссура», «Ең үздік әйел бейнесі» жүлделерін жеңіп алған еді. Салтанатты шарада халықаралық өнер бәйгесінің жүлделерін македониялық меймандар жеңімпаздардың қолына табыс етілді. Бұл күн әрі фестиваль жалауының көтеріліп, әрі облыстық қазақ драма театрының ХХІV маусымының ашылуымен де ерекшеленді. Фестиваль кезінде барлығы 10 қойылым қазылар алқасының талқысына түседі. Оның 5-еуі әр жылдары Орал театрының сахнасында қойылған шоқтығы биік дүниелер. Иран-Ғайыптың ақын ретінде қазақ поэзиясындағы қолтаңбасы, орны бір төбе. Ал дені поэтикалық дастанға құрылатын драматургиясы бөлек әлем. Сом таланттың атындағы бүгінгі байқау руханияттың салтанаты, өнер тойы дейді қаламгердің шашбауын көтере келген сөз өнерінің зергерлері, ақын СВЕТҚАЛИ НҰРЖАНОВ пен жазушы-драматург РАҚЫМЖАН ОТАРБАЕВ. Салтанатты шара Иран-Ғайыптың «Ән-Мұхит» драмалық дастанының премьерасына ұласты. Кең тынысты қойылым алты алашқа ән оздырған сал Мұхиттың өмір жолын суреттейді. Халық композиторы әндерінің шығу тарихы баяндалып, қоғамның ащы шындығы әшкереленді. Қойылым режиссерлары Мұрат Ахманов пен оның шәкірті Мұқан Томанов. Батыс ән мектебінің негізін қалаған көрнекті тұлғаның бейнесін театр актері Мұсағали Бектенов сомдады. Республикалық фестиваль 27 қазанға дейін жалғасады.

Акерке Абишева

Меню

РЕСПУБЛИКАЛЫҚ ТЕАТРЛАР ФЕСТИВАЛІ ЖАҢА «ӘН-МҰХИТ» ҚОЙЫЛЫМЫМЕН АШЫЛДЫ

Читайте также

Новости партнёров