СУДЬЯЛАР ӘДЕБІНЕ ҚАТЫСТЫ БІРДЕ-БІР АРЫЗ-ШАҒЫМ ТІРКЕЛМЕГЕН

Жыл соңына дейін өңір соттарын аудио және бейне жазба құралдарымен 100 % қамту жоспарланған. Бұл Ұлт жоспарындағы екінші реформаның 20-қадамын жүзеге асыру арқылы мүмкін болуда. Реформаларға сай соттың барлық сатыларында түбегейлі өзгерістер енгізу басталып кетті. Бұл жайлы бүгін облыстық сотта өткен баспасөз мәслихатында мәлім етілді. Сот жүйесі жанданып, жаңа мазмұнда жұмыс істеуде. Бұл екінші реформаның 11 қадамын жүзеге асыру арқылы іске асып отыр. Бүгінгінің билеріне қойылар талап та күшейтілді. Өңірде 5 жылдық тәжірибесі бар судьялардың барлығы міндетті біліктілік тексерістен өткен. Баст

Marat 19 октября, 2016

Сот жүйесі жанданып, жаңа мазмұнда жұмыс істеуде. Бұл екінші реформаның 11 қадамын жүзеге асыру арқылы іске асып отыр. Бүгінгінің билеріне қойылар талап та күшейтілді. Өңірде 5 жылдық тәжірибесі бар судьялардың барлығы міндетті біліктілік тексерістен өткен. Басты өзгеріс - ұлттық сот жүйесі бестен 3 сатылыға көшті. - 2016 жылдың 1 қаңтарынан бастап Қазақстанның барлық сот жүйесі үш деңгейдегі сот жүйесіне көшті. Бұл дегеніңіз, аудандық, қалалық және оған теңестірілген соттардың бәрі – бірінші саты болып табылады. Егер сіз бұл соттардың шешіміне қанағаттанбасаңыз, екінші саты – облыстық сотқа жүгінуіңізге қақыңыз бар. Онда іс аппеляциялық тәртіпте қаралады. Егер оның да шешіміне көңіліңіз толмаса, Жоғарғы сот, кассациялық сатыға жүгінуіңізге болады, - дейді БҚО сотының төрағасы БЕК ӘМЕТОВ Ұлт жоспарын жүзеге асыру мақсатында қабылданған жаңа заңдардың да сот жүйесінің жұмысын ширатуға ықпал етті. Соңғы үш жылда алғаш рет алқабилердің қатысуымен сот ісі қаралған. Ал9 айдамедиация көмегімен 180 қылмыстық істің нүктесі қойылған. Өңірде 20-қадамда айқындалған барлық сот істерін аудио және бейнетаспаға жазу ісі оң шешіліп келеді. Облыстық сот төрағасының айтуынша, жыл соңына дейін барлық 54 мәжіліс залын қажет жабдықтармен 100 % қамту жоспарланған. - Осы жүйе басталғалы, судья менің сөзімді бөліп тастады, мені тыңдамады, менің қойған сұрақтарым қараусыз қалды деп ешкім айта алмайды. Өйткені бәрі жазулы. Бұл құрылғының ерекшелігі – бейне және аудио жазба құралдары тікелей Астанамен байланыс жүйесіне қосылған. Сондықтан жергілікті жерде не судья, не маман, кім болса, о болсын, ешкім бұл құрылғының жұмысына араласа алмайды. Яғни жазбаны не өшіріп, не кетіріп тастай алмайды. Нәтиже көп күттірмеді. Жаңа жүйенің тиімділігі сол – биыл судьялар әдебіне қатысты бірде-бір арыз-шағым тіркелмеген.Бұл сот жұмысының басты сапалық көрсеткіштерінің бірі.

Арман Курманалиев

Меню

СУДЬЯЛАР ӘДЕБІНЕ ҚАТЫСТЫ БІРДЕ-БІР АРЫЗ-ШАҒЫМ ТІРКЕЛМЕГЕН

Читайте также

Новости партнёров