ЗАҢСЫЗ ЖҮРГЕН 300 ШЕТЕЛ АЗАМАТЫ АНЫҚТАЛҒАН

Marat 20 октября, 2016

1-ші қыркүйекте басталған «Участок» алдын алу сауықтыру шарасы барысында облыста заңсыз жұмыс жасап жүрген 300-ден астам алыс-жақын шет елдің азаматтары анықталыпты. Олардың барлығы да ел аумағынан шығарылған. Полицейлер нәпақа іздеп Қазақстанға келгендердің заңды түрде еңбек етуін қатаң қадағалаймыз деп отыр.
reid
Көктем келіп, күн жылынысымен құрылыс нысандарында жұмыстың қызатыны белгілі. Шекара асып, екі қолға бір күрек іздеп Қазақстанға келетіндер үшін бұл таптырмайтын мезгіл. Әсіресе, ала шапандылардың қарасы көп. Оларға біздің елде жүріп-тұруға рұқсат ететін 3 айға миграциялық карточка толтырылады. Олар суық түскенше жұмыстарын жалғастыра бермек. - Биыл 3-ші жыл Қазақстанға келіп еңбек етіп жүрміз. Еңбекақыны жақсы төлейді. Мамыр айында алдымен құжаттарымызды рәсімдеп, медициналық тексерістен өтеміз. Тиісті салықты да төлейміз. Бәрі дұрыс болса кедергі жоқ. Есесіне, ешкімнен қашып-пыспайсың, жасырынбайсың., - дейді Өзбекстан азаматы Рашид НИЯЗМЕТОВ. Бұл жолы полицейлер жеке және заңды тұлғалар үшін құрылыс салып жатырған нысандарда шетелдіктердің біздің елді жүріп-тұру заңдылығы бойынша тексеріс жүргізді. Алайда, біз көрген немесе бізге көрсеткен өзбек ағайындардың барлығының да құжаттары дұрыс, заңға сәйкес болып шықты. - Қазіргі уақытта осы аумағымыз бойынша шетел азаматтарынан ешқандай тәртіпбұзушылықтар анықталмаған. Құжаттарын уақтылы тексеріп, алдын алу шараларын жүргізіп тұрамыз, - дейді Орал қалалық ішкі істер бөлімінің учаскелік полиция инспекторы ЖАСҚАЙРАТ АЙМУРЗИН. Аталған шара желтоқсан айына дейін жалғасатын болады. Бұл аралықта біздің елге келіп, еңбек етіп жүрген өзге елдің азаматтары қатаң бақыланады. Заңды бұзса, әкімшілік құқық бұзушылық кодексіне сай шара қолданылады. Осы уақытқа дейін осындай себеппен 300-ден астам азамат өз елдеріне қайтарылды дейді полицейлер. Анықтама Әкімшілік құқық бұзушылық туралы Қазақстан Республикасының Кодексі 96-бап. Қазақстан Республикасында шетелдiк жұмыс күшiн тарту мен пайдалану ережелерiн бұзу

Қазақстан Республикасы аумағына уәкiлеттi органның тиiстi рұқсатынсыз немесе оны алдау жолымен алып өз бетiмен келген шетелдiктер мен азаматтығы жоқ адамдарды (жасырын иммигранттарды) жұмыс берушiнiң жұмысқа қабылдауы, сондай-ақ лауазымды адамдардың жасырын иммигранттарға қатысты нотариалдық немесе қандай да бiр өзге де заңдық (құқық туғызушылық) iс-әрекеттер жасауы, -

азаматтарға - айлық есептiк көрсеткiштiң оннан жиырмаға дейiнгi мөлшерiнде, лауазымды адамдарға - жиырмадан жиырма беске дейiнгi мөлшерiнде, заңды тұлғаларға үш жүзден бес жүзге дейiнгi мөлшерiнде айыппұл салуға әкеп соғады.

Шетелдiктiң немесе азаматтығы жоқ адамның Қазақстан Республикасында шетелдiк жұмыс күшiн тарту мен пайдалану ережелерiн бұзуы, -

Қазақстан Республикасының аумағынан әкiмшiлiк жолмен шығарып жiбере отырып, айлық есептiк көрсеткiштiң жиырмадан жиырма беске дейiнгi мөлшерiнде айыппұл салуға әкеп соғады.

Арман Курманалиев

Меню

ЗАҢСЫЗ ЖҮРГЕН 300 ШЕТЕЛ АЗАМАТЫ АНЫҚТАЛҒАН

Читайте также

Новости партнёров