ЖАҢА АЛАҢ АУМАҒЫНДА 250 ТҮП КӨШЕТ ОТЫРҒЫЗЫЛДЫ

Тәуелсіздіктің 25 жылдығына орай шаһардың 7-ші шағынауданында 250-ден астам түп көшет отырғызылды. Жаңа алаң мен Достық үйінің аумағы жасыл желекпен көмкерілді. Экологиялық акцияға Ассамблея мүшелері, ардагерлер мен халық қалаулылары, кәсіпкерлер мен студенттер және «Экспедиция — 25» жорығының мүшелері қатысты. Сенбі күнгі таңның салқындығына қарамастан, аға ұрпақ ағаш отырғызуды әнмен бастады. Сергек рух, көтеріңкі көңіл-күй шараның шырайын ашты. - Жастармен бірге біздер, ардагерлер де өзіміздің үлесімізді қосайық деп осы сенбіліккекеліптұрмыз. Қаламыз көркейе берсін. Қазақстандағы ең әдемі қ

Marat 12 октября, 2016

Сенбі күнгі таңның салқындығына қарамастан, аға ұрпақ ағаш отырғызуды әнмен бастады. Сергек рух, көтеріңкі көңіл-күй шараның шырайын ашты. - Жастармен бірге біздер, ардагерлер де өзіміздің үлесімізді қосайық деп осы сенбіліккекеліптұрмыз. Қаламыз көркейе берсін. Қазақстандағы ең әдемі қалалардың бірі болвсын дегім келеді, - дейді ардагер-ұстаз СВЕТЛАНА СҰЛТАНОВА Экологиялық акцияға кәсіпкерлер де қолдау жасады. Мәселен, Достық үйінің аумағына демеушілік қаржыға алынған 45 шырша егілді. - Батыс Қазақстан облысының Ассамблея ұжымы облыс әкімдігінің басшылығымен, қоғамдық ұйымдармен, жастармен, депутаттармен бірге бәріміз жиналып, бір күш болып, сенбілікке шықтық. Мақсат – қаламызды одан әрі көркейту. Бүгін еккен тал-терегіміз күні ертең жайқалып өседі деп сенеміз, - дейді «Вайнах» шешен-ингуш этномәдени бірлестігінің төрағасы ДАНИЛЬБЕК САРАТОВ Кезекті сенбілікке Оралға ат ізін салған «Экспедиция-25» ұжымы да қатысты. Ел аралаған топ құрамында тілшілер, блогерлер мен өзге де мамандық иелері бар. - «Экспедиция-25» тележобасы 6 шілде күні Астанадан аттанған болатын. Біздің жолда барлық өңір – Оңтүстік, Солтүстік, Орталық, Шығыс Қазақстан бар. Енді, міне, біз Батыс Қазақстанға келіп отырмыз. Орал қаласының жан-жағын жасыл алқап, өзен-сулар қоршаған екен. Өте әдемі қала, - дейді «Экспедиция-20» тележобасының үйлестірушісі МӘДИНА ЖАНДАРБЕКОВА. Қолына күрек алып, тал-терек отырғызған оралдықтар туған қаланың тазалығын қолдайды. Әрі жасыл қала деген мәртебелі атаққа сай болу үшін осындай бұқаралық шаралардың көп болғаны лайым. Мұны облыс әкімі Алтай Көлгінов те атап өтті. - Бүгінгі ағаш отырғызу шарасы біздің оралдықтардың Тәуелсіздік мерейтойына тартуы. Қоршаған ортаны қорғауға үлкен-кіші бірдей үлес қосып, қаламызды көркейтуіміз керек. Үлкен іс осындай кішкентай шаралардан басталады. Жаңа алаңда отырғызылған кейбір тал-теректер өсіп-өнген соң, көктемде олардан түрлі геометриялық пішіндер жасалмақ.Күзгі көшет егу тек бүгінгі шарамен шектелмейді. «ЖАЙЫҚ ТАЗА ҚАЛА» ЖШС директорының орынбасары ӘБІЛҚАЙЫР ӘМІРБАЕВТЫҢ айтуынша, қала көшелерінің жиегіне 5 шақырым бұталы қоршау орнатылмақ. Ол үшін қазір 3 шақырымға жететін тал-терек дайындалған. Салқын түсе сол көшеттер отырғызылады. Бұл жолы 7-ші шағынауданда 250 түп көшет отырғызылды. Экологиялық акцяны оралдықтар Тәуелсіздіктің25 жылдығына арнады.

Арман Курманалиев

Меню

ЖАҢА АЛАҢ АУМАҒЫНДА 250 ТҮП КӨШЕТ ОТЫРҒЫЗЫЛДЫ

Читайте также

Новости партнёров