ЖЕДЕЛ МЕДИЦИНАЛЫҚ ЖӘРДЕМ СТАНЦИЯСЫНА 35 ЖЫЛ

Қазан айында Орал қалалық жедел медициналық жәрдем станциясының құрылғанына 35 жыл. 1981 жылы жарияланған бұйрық негізінде облыстық ауруханадан өз алдына бөлінген станцияда қазір 22 бригада жұмыс жасайды. Атаулы күні олар тұрғындарға көрсетілетін жедел, сапалы және уақытылы медициналық жәрдем жасау бойынша өзара сынға түсті. Жедел медициналық жәрдем станциясының жұмысы бір сәтке де толастаған емес. 103 нөміріне қоңырау шалынысымен атқа қонатын ақхалаттылар - адам өмірінің арашашылары. Бастапқыда бар болғаны 8 көшпелі бригада болса, қазір олардың саны 22-ге жеткен. Ендігі жоспар, мұндай шұғыл т

Marat 4 октября, 2016

Жедел медициналық жәрдем станциясының жұмысы бір сәтке де толастаған емес. 103 нөміріне қоңырау шалынысымен атқа қонатын ақхалаттылар - адам өмірінің арашашылары. Бастапқыда бар болғаны 8 көшпелі бригада болса, қазір олардың саны 22-ге жеткен. Ендігі жоспар, мұндай шұғыл топтарды 30-ға дейін өсіру. Соған сәйкес білікті мамандармен толықтыру да уақыт талабы. Жыл санап аталған станцияның материалдық техникалық базасы да жаңғыртылуда. Бұл, өз кезегінде дәрігердің көмегіне жүгінген тұрғындарға уақытында медициналық жәрдем беруге мүмкіндік туғызатын болады. - Қазанның 15-інде 5 «жедел жәрдем» мәшинесі, қарашада тағы 5 көлік келеді деп жоспарлануда. Әйтеуір, бізге көмек ұдайы көрсетіліп тұрады. Биыл бірінші рет 5 жаңа дәрігер маманды жұмысқа алдық. Фельдшерлерімізді өзіміз де оқытамыз, - Орал қалалық жедел медициналық жәрдем станциясының директоры Сергей БЕКЕЖАНОВ Түрлі жағдайларда халыққа сапалы медициналық қызмет көрсету, жол қозғалысы апаттарында зардап шеккендерге көмек көрсету, жүрек-қан тамыры аурулары мен өзге де бірінші кезектегі сырқаттарға берілетін жәрдемдер. Станциядағы бригадалардың құрамдары осындай аталымдар бойынша сынға түсті. - Байқау мақсаты - «жедел жәрдем» қазметкерлерінің іс-әрекеттерін пысықтау және жас мамандардың біліктілігін арттыру. Сайыс жақсы өтті. Тәжірибе алмасып, өз деңгейімізді білуге мұндай байқаулардың маңызы зор, - дейді І санатты фельдшер Илес МЕРӘЛИЕВ Мұндай шаралар бірінші кезекте көшпелі жедел жәрдем бригадаларының шеберліктері мен шапшаңдықтарын сынға салса, олардың өзара әріптестік орнатуы, тәжірибе алмасуларына да септігін тигізеді. Бұл күні өткізілген шарада белсенділік танытқан, өз ісінің үздіктері деп танылған жедел медициналық жәрдем станцияның қызметкерлеріне алғыс хаттар мен естелік сыйлықтар табыс етілді.

Арман Курманалиев

Меню

ЖЕДЕЛ МЕДИЦИНАЛЫҚ ЖӘРДЕМ СТАНЦИЯСЫНА 35 ЖЫЛ

Читайте также

Новости партнёров