ЖЫЛ СОҢЫНА ДЕЙІН «ГАЗЕЛЬДЕР» ҮЛКЕН АВТОБУСТАРҒА АУЫСТЫРЫЛУЫ ТИІС

«Жыл соңына дейін жолаушы тасымалдайтын «Газель» көліктерін көшеден көрмейтін боласыздар. Олардың орнын үлкен автобустар басады» делінген еді жыл басында. Жыл аяқталуға екі ай қалды. Қала әкімінің бұл тапсырмасы қалай орындалуда? Қоғамдық көлікпен жүретін жұрт «Газельдің» жолаушылар тасымалына ыңғайсыз көлік екенін жақсы біледі. Әсіресе, қарбалас шақта аузы-мұрны лық толған бұл автобусқа тіпті бас сұғу мүмкін емес. Жыл басындағы қала әкімінің тапсырмасына сай шаһардағы ескі «Газельдер» сыйымдылығы үлкенірек жаңа автобустарға ауыстырыла бастады. - Жылдың басында бізде 30«Газель» болды. Қазір со

Marat 14 октября, 2016

Қоғамдық көлікпен жүретін жұрт «Газельдің» жолаушылар тасымалына ыңғайсыз көлік екенін жақсы біледі. Әсіресе, қарбалас шақта аузы-мұрны лық толған бұл автобусқа тіпті бас сұғу мүмкін емес. Жыл басындағы қала әкімінің тапсырмасына сай шаһардағы ескі «Газельдер» сыйымдылығы үлкенірек жаңа автобустарға ауыстырыла бастады. - Жылдың басында бізде 30«Газель» болды. Қазір соның біз 20-сын «Пежо», «Форд» сияқты үлкен автобустарға аусытырдық. «Газель-нехт» деген шағынавтобустармен де алмастырдық, - дейді «АҚЖОЛ-АВТО» ЖШС директорының орынбасары ТӨЛЕБАЙ САТКУЛИЕВ. Жолаушылар жаңа шағынавтобустың бұрынғылардан анағұрлым ыңғайлы әрі жайлы екенін айтады. - Мына шағынавтобустар жақсы. Іші кеңдеу, биік. Тұрып тұруға ыңғайлы. Жаңаның аты жаңа ғой. Бұрынғы ескі «Газельдердің» іші тар. Отыратын орын болмаса, адам екі бүктеліп тұратын еді. Аусытырғандары дұрыс деп ойлаймын, - дейді қала тұрғыны Серікқали ЖҰРҒАЛИЕВ. «Ақжол-Автоға» 6-шымен қатар №7 бағыттағы қоғамдық көлік тиесілі. Зачаган мен Деркөл шағынаудандарына қатынайтын бұл көлікке тұрғындар тарапынан шағым көп. Әр автобустың жүру аралығы 5 мин болса да, таңда жолаушының көптігінен көлік тоқтамай, халық сыймай наразылық туып жатады. Тұрғындар сұранысына әрі қала әкімінің тапсырмасына сай «ПАЗ» көліктері де үлкен автобустарға ауыстырылуы керек еді. Бірақ бұл мүмкін емес. Оның мәнісі мен істің шешімін кәсіпорын өкілі былай түсіндіреді. - Үлкен автобустар алу үшін біздің көліктер баратын соңғы аялдамлардың жолы нашар. Зачаганда да, Деркөлде де дұрыс жол жоқ. Үлкен автобустар ол жерлермен айналып жүре алмайды. Жолға сыймайды. Енді, бұл мәселені шешу үшін автобустардың қатынау уақытының аралығы 5 минут болса, соны 3 минутқа дейін азайтуды көздеп отырмыз, - дейді «АҚЖОЛ-АВТО» ЖШС директорының орынбасары ТӨЛЕБАЙ САТКУЛИЕВ. Қазір ондаған жаңа автобустар шыққанымен, қала көшелерінде әлі 191 «Газель» жолаушы тасып жүр. Тасымалдаушы 7 кәсіпорынның 4-уінде осындай көлік бар. Тапсырма бойынша «Газельдер» жыл соңына дейін түгел ауыстырылып болуы керек. Екі ай жарым уақытта бұл шаруаны тындыру мүмкін бе? - 191 «Газельді» бір күнде ауыстыра салу мүмкін емес. Бірақ жылдың соңына дейін кәсіпорындар үлгертуге тырысады. Өйткені қала әкімінің тапсырмасы бар. Халық саны артып келеді. Соны ескеру керек, - дейді Орал қалалық ТҮКШ бөлімі абаттандыру секторының бас маманыОрынбасар БИСЕНҒАЛИЕВ. Ал жолаушы тасымалдаушы кәсіпорындар қосалқы бөлшек пен жанар-жағармай бағасының қымбаттағанын айтып, «Газелдерді» ауыстыру мәселесінің бір-екі айда шешілмейтінін айтады.

Арман Курманалиев

Меню

ЖЫЛ СОҢЫНА ДЕЙІН «ГАЗЕЛЬДЕР» ҮЛКЕН АВТОБУСТАРҒА АУЫСТЫРЫЛУЫ ТИІС

Читайте также

Новости партнёров