Маңғыстау ауданының «Ақмыш» демалыс аймағында экологиялық слет өткізілді.
Слеттің негізгі мақсаты – жастардың экологиялық мәдениетін, сауаттылығын арттыру, қоршаған ортаның ластану мәселесіне назар аудару. Іс - шараны ұйымдастырушылардың айтуынша, ауқымды шараға Маңғыстау облысының Маңғыстау, Мұнайлы, Ақтау, Түпқараған аудандарынан ҮЕҰ-ның 80-ге жуық өкілі қатысты.
Слет аясында бірнеше кезеңнен тұратын экологиялық байқау өткізілді. Ең алдымен, қоғам белсенділері өңірдегі экологиялық мәселелерді шешу жолдарын ұсынды. Слеттің екінші кезеңінде құстарға арналған ұялар салынып, орнатылды. Сондай ақ, шара соңында қатысушылар сенбілік өткізді.
Экологиялық акцияның нәтижесінде 9 ҮЕҰ-ның өкілдері қоқыстың 20-ға жуық қабын жинады. Слет жеңімпаздары арнайы мақтау қағаздарымен марапатталды.
Жоба аясында Маңғыстау ауданының Айрақты және Шерқала елді мекендерінде де аумақтарды тазалауға бағытталған науқандарды өткізу жоспарланған.
«Біз Айрақты және Шерқала тарихи орындарында сенбілік өткізуді жоспарлап отырмыз.Өйткені тарихи мұраға ұқыпты қарауды өскелең ұрпаққа үйрету өте маңызды. Сондай-ақ, тазарту жұмыстарын Қызылөзен, Ақшұқыр, Баутино және Таушық елді мекендерінде де қолға алуды жоспарлаудамыз. Эко-акция Каспий теңізінің жағалауында өтеді», - деді «Хазірет» жастар қоғамдық қорының директоры Күрең Медеуова.
Еске салайық, әлеуметтік жоба «Шелл Қазақстан» компаниясы және Азаматтық бастамаларды қолдау орталығының қолдауымен «EcoBatys» бастамасы аясында жүзеге асырылуда.
Новости Компаний
Мы дорожим каждым нашим подписчиком и читателем, поэтому, пожалуйста, внимательно ознакомьтесь с рекомендациями при комментировании.
