Атырауда төрт қабатты баспанада қызыл жалын тұтанды. Өрт сөндірушілер 16 адамды қауіпсіз жерге шығарды. Бұл туралы төтенше жағдайлар министрлігі хабарлады.
Оқиға 12 мамырда Ахмедияров көшесінде орналасқан үйде тіркелген. Үшінші қабаттағы пәтердің балконында тілсіз жау тұтанған.
Қызыл жалын аз уақыттың ішінде сөндіріліпті. Абырой болғанда зардап шеккендер жоқ.
