Батыс Қазақстан облысында көліктен салмағы 36,8 келі болатын өзен шаяны табылды. Polisia.kz таратқан ақпаратқа сүйенсек, үш қап шаян ВАЗ автокөлігінен тәркіленген. Теректі аудандық полиция бөлімінің қызметкерлері түнгі рейд өткізіпті. Жедел-профилактикалық іс-шара барысында тәртіп сақшылары күдік тудырған көлікті тоқтатыпты.
Қазіргі таңда 37 жастағы азаматқа қатысты қылмыстық іс қозғалыпты. Тергеу амалдары жүргізіліп жатыр.
