Қала әкімі депутаттарға есеп берді

Биылғы жылдың 8 айында Орал қаласында кәсіпкерлік саласында 42,4 млрд теңгенің өнімі өндіріліп, салық түсімдері 23 пайызға артқан. Облыс орталығында жеке инвестициялар есебінен 30 нысан іске қосылса, индустрияландыру картасы бойынша 3 жоба жүзеге асуда. Көшелер жөнделіп, инженерлік желілер жаңғыртылуда. Келесі жылы 44 аулаға спорт алаңын салу, көшелер мен әлеуметтік нысандарға бейнебақылау камераларын орнату, мектептерге кіреберіс жолдарды жөндеу жоспарланып отыр. Бұл туралы қалалық мәслихат депутаттары алдында есеп берген шаһар басшысы Нариман Төреғалиев мәлім етті. Депутаттық корпус алдында

Marat 29 сентября, 2016

Көшелер жөнделіп, инженерлік желілер жаңғыртылуда. Келесі жылы 44 аулаға спорт алаңын салу, көшелер мен әлеуметтік нысандарға бейнебақылау камераларын орнату, мектептерге кіреберіс жолдарды жөндеу жоспарланып отыр. Бұл туралы қалалық мәслихат депутаттары алдында есеп берген шаһар басшысы Нариман Төреғалиев мәлім етті. Депутаттық корпус алдында есеп берген қала әкімінің айтуынша, облыс орталығының бюджеті 31,2 млрд теңгені құрайды. Бұл өткен жылдың осы кезеңімен салыстырғанда 21,4 пайызға артық. Қазына қаражаты шаһардың шырайын келтіріп, тұрғындардың тұрмысын түзеуге арналған жұмыстарға бағытталуда. Инфрақұрылымды жаңғырту бойынша 9 жоба жүзеге асуда. Деркөл ықшамауданының тұрғындарын таза ауыз сумен қамтудың 2-кезеңі де аяқталуға жақын. Өнеркәсіп пен кәсіпкерлік саласында ілгерілеушілік бар. Биылғы қолайлы ауа райына байланысты қала аумағындағы шаруашылық құрылымдар да мол өнім алып, күздік дақылдар алқабы да екі есеге ұлғайған. Қала маңында азық-түлік белдеуін қалыптастыруға маңыз беріліп отыр. Тәуелсіздіктің 25 жылдығында 13 көп қабатты үйдің құрылысы аяқталып, 1427 пәтер тұрғындар игілігіне берілмек. Биылғы жылы 19 көшенің жолы жөнделіп, қала күніне орай жаңа алаңның ашылуы да шаһардағы атқарылған ауқымды істер. Әлеуметтік саланың түйткілді мәселелері де оң шешімін табуда. Шаһардың тыныс тірлігіндегі оң өзгерістерді құптаған депутаттар тазалық сақтау бағытындағы жұмыстарды ширату жөніндегі өз ойларын қосты. Қатты тұрмыстық қалдықтарының уақтылы шығарылуын қадағалау мен халық арасында түсінік жұмыстарын жүргізуге мән беру керек дейді халық қалаулылыры. Белгілі болғаны, болашақта қала бойынша қоқыс салатын 200 контейнер орнату жсопарланып отыр. Коммуналдық саланың ең басты сұрағы жылыту маусымына дайындықтың барысы да пысықталды - Қаладағы 1164 көп қабатты үйдің 1035-інің жылыту құбырлары тексерілді. Әлеуметтік сала нысандары толықтай дайын. Бүгінде 28 балабақша мен 18 оқу орны және 5 емдеу мекемесі, барлығы 51 нысанға жылу берілді, - дейді қалалық ТҮКШ және автомобиль жолдары бөлімінің басшысы Қайрат МҰХАМБЕТҚАЛИЕВ. Болашақта әлеуметтік нысандарға кіреберіс жолдарды жөндеу жұмыстары қолға алынбақ. Өйткені, қаладағы 150-дей әлеуметтік нысанның 30 пайызының кіреберіс жолы ешбір сын көтермейді. Одан өзге аулаларды абаттандыру жұмыстары жалғасады. Келесі жылы 40 ауланы жайнатып, спорттық алаңдар орнату жоспарланып отыр. Қоғамдық қауіпсіздікті қамтамасыз ету үшін 200-дей бейнебақылау қондырғыларын іске қосу көзделген. Шаһарда атқарылған жұмыстарға оң баға берген депутаттар 2016 жылға арналған қала бюджетін нақтылау жөінідегі ұсынысты қолдады. Арман Курманалиев

Меню

Қала әкімі депутаттарға есеп берді

Читайте также

Новости партнёров