Қала күніне арналған салтанатты қабылдау

Қала күніне орай Орал қаласы әкімдігінің үлкен залында шетелден және көршілес өңірлерден келген қонақтарды салтанатты түрде қабылдау шарасы өтті. «Қазақстандағы көне шаһарлардың бірі Орал қаласы жаңа ғасырда жаңарып, сән-салтанаты келіскен әсем қалаға айналды. 18-19 ғасырларлардағы сәулет өнерінің ғажайып үлгісі болған ежелгі ғимараттарға деген жанашырлық көзқарас айқын сезіледі. Өткенді қастерлей отырып, ертеңгі күнге жасалған батыл қадамдар мен сәтті шешімдер тәнті етеді». Бұл - Орал қаласы мерекесіне арнайы келген Чехия, РФ-ң Саратов, Самара, Орынбор облыстары мен көршілес Ақтөбе және Атыра

Marat 8 сентября, 2016

Қала күніне орай Орал қаласы әкімдігінің үлкен залында шетелден және көршілес өңірлерден келген қонақтарды салтанатты түрде қабылдау шарасы өтті.

«Қазақстандағы көне шаһарлардың бірі Орал қаласы жаңа ғасырда жаңарып, сән-салтанаты келіскен әсем қалаға айналды. 18-19 ғасырларлардағы сәулет өнерінің ғажайып үлгісі болған ежелгі ғимараттарға деген жанашырлық көзқарас айқын сезіледі. Өткенді қастерлей отырып, ертеңгі күнге жасалған батыл қадамдар мен сәтті шешімдер тәнті етеді». Бұл - Орал қаласы мерекесіне арнайы келген Чехия, РФ-ң Саратов, Самара, Орынбор облыстары мен көршілес Ақтөбе және Атырау өңірлерінен келген қонақтардың пікірлері. Орал қаласының даму деңгейі облыстың әлеуетін айқындайтын бірден-бір фактор. Облыс орталығында шоғырланған өндіріс орындары мен шағын кәсіпкерлік нысандары өңір экономикасында шешуші мәнге ие. Қала бюджеті жыл өткен сайын ұлғайып, инвестиция көлемі арта түсуде. Өңір басшысы А.Көлгіновтің қала күніне арналған құттықтауын жеткізіп, қазақ тілінде өз лебізін білдірген облыс әкімінің орынбасары Игорь Стексов облыс орталығын дамытудың стратегиялық басымдық екендігіне екпін түсірді. Орал қаласында серпінді жобалар жүзеге асуымен көңіл қуантарлық оң өзгерістер аз емес. Тек биылдың өзінде жалпы аумағы 82 мың шаршы метрді құрайтын 13 үй пайдалануға берілмек. 25 шақырым жол жөнделіп, коммуналдық желілер жаңғыртылуда. Соңғы он жылда қала тұрғындарының саны 22 пайызға артып, 300 мыңға жетті. Болашақта шаһар халқы 400 мыңға жуықтайды деген болжам бар. Сондықтан да қала аумағын 5 мың га ұлғайту жоспарланып отыр. Жан-жақты сараптаудан өткен қаланың бас жоспарында әлеуметтік-мәдени нысандар мен тұрғын үй құрылысы ерекшеліктері толықтай ескерілген. «Ақылды қала» жобасының іске қосылуымен қаланың жетістіктері еселене түспек. Орал қаласының туған күніне алыстан ат арытып келген меймандар игі тілектерін арнады. - Біз Орал қаласында оқу орталығын ашуды жоспарлап отрымзы. Онда машина жасау саласы мамандарының біліктілігін арттыру, шеберлігін шыңдау бойынша курстар ұйымдастырып, әріптестікті жолға қоюды көздейміз, - дейді Чех-Орта Азия сауда палатасының президенті Иржи Неставал. Үш өзеннің тоғысында орналасқан әсем қала, достықтың мекеніне айналған Орал шаһарымен ынтымақтастық байланыстарды нығайтуға ықылас арта түсуде. - Бүгін қаланы аралағанда көңілім толды. Әсем ғимараттар, жасыл желекпен көмкерілген көшелер мен ғажайып гүлзарлар көз тартады. Қала тап-таза екен. Бұл коммуналдық сала жұмысының жақсы жолға қойылғандығын көрсетеді. Сондай-ақ қала тұрғындарыынң туған қалаға деген жанашырлық көзқарасы да айқын байқалып тұр. Қуаныштымын. Орал қаласы көркейе берсін! Біз сауда экономикалық және мәдени байланыстарды нығайта түсуге мүдделіміз, - деді Орынбор қаласы басшысының орынбасары ЯРОСЛАВ МОИСЕЕВ. Бұл күнгі шара Орал қаласының өткеніне құрмет, бүгініне мақтаныш, болашағына үлкен сенім ұялатқан жылы шырайлы жүздесу болды. Үш өзеннің тоғысында орналасқан ару қаланың көркейіп, өркендей беруіне айтылған тілектер ұшан-теңіз. Арман Курманалиев

Меню

Қала күніне арналған салтанатты қабылдау

Читайте также

Новости партнёров