Қалалық сенбілікте 400 түп көшет отырғызылды

Қала көшелерін жасыл желекпен көмкеру жоспарына ерекшеліктер енгізілуде. Енді шаһардың көркін аққайың, үйеңкілермен бірге шетен, шегіршін ағаштары айшықтамақ. Өткен сенбіде 7-ші және 9-шы шағынаудандар арасындағы көшеге 400 түп көшет отырғызылды. Қаланы абаттандыру және санитарлық тазалық айлығы аясындағы күзгі сенбіліктер басталды. Қарқынды дамып келе жатқан солтүстік-шығыс аудан жасыл желекпен көмкерудің жаңа жоспарына сай абаттандырылмақ. Күзгі маусымдағы алғашқы сенбіліктің басты ерекшелігі жаңа ағаш түрлерінің отырғызылуы. Үйреншікті терек, қарағаш және қылқан жапырақтылардың орнына енді

Marat 25 сентября, 2016

Қаланы абаттандыру және санитарлық тазалық айлығы аясындағы күзгі сенбіліктер басталды. Қарқынды дамып келе жатқан солтүстік-шығыс аудан жасыл желекпен көмкерудің жаңа жоспарына сай абаттандырылмақ. Күзгі маусымдағы алғашқы сенбіліктің басты ерекшелігі жаңа ағаш түрлерінің отырғызылуы. Үйреншікті терек, қарағаш және қылқан жапырақтылардың орнына енді канадалық үйеңкі, шаған, шетен мен шегіршін көшеттері көшенің сәнін кіргізбек. 7 және 9 шағынаудан аралығындағы жаңа көшеге жасыл желектер бірнеше қатарға орналастырылды. Күзгі шаһардың ажарын айшықтаған көшеттер жергілікті жерде өсірілген - Біз бұл көшеттерді аялап өсірдік. Әрқайсысы өз перзентіміз секілді. Бұрындары егілмеген ағаштардың отырғызылып жатырғаны өте үйлесімді. Жергілікті жерде өсірлген көшеттер ауа райына бейім болғандықтан, бәрі де жайқалып, көз қуантады деп есептейміз, - дейді «Уланов» ШҚ атқарушы директоры Елена УЛАНОВА . «Туған қалаға сүйіспеншілігіңді көрсету үшін тазалықты сақтауға өз үлесіңді қосып, жасыл желектерді аялап, баптауың керек.» Ертелетіп, сенбілікке келгендер осылай дейді. Еңбек ардагері Қанат Оразғалиев көшет отырғызып, өзінің 70 жасқа толу мерейтойын игі іспен мазмұндағанына қуанышты. Аға ұрпақтың өнегесін жалғастыруға дайын екендіктерін жастар да көрсетуге күш салды. Бұл күні кішкентай күрегін қолына алып, әкесімен бірге сенбілікке келген жеткіншек те, белсенді жастар өкілдері де игі іске атсалысып, қаланы коркейтуге өз үлестерін қосты. «Көршілер-Соседи» жастар лагерінің қатысушылары енді Оралға арнайы келуге тағы бір жағымды себеп бар деп есептейді. - Қала өте жасыл, әдемі екен. Енді, міне, көшеттер отырғызып, біз де өз үлесімізді қосып жастырмыз. Оралға келсем, осы көшеге арнайы ат басын бұратыным анық, - дейді РФ, Орынбор қаласының тұрғыны Михаил БОГАТОВ Биылғы күзда Орал қаласында 50 мыңдай ағаш егу көзделген. Ару қаланың келбетін көріктендіре түсу үшін жергілікті ауа райына бейім әрі әсем ағаш түрлерін отырғызуға басымдық берілмек. Арман Курманалиев

Меню

Қалалық сенбілікте 400 түп көшет отырғызылды

Читайте также

Новости партнёров