Данияр Елеусінов 10 млн теңгесін сал ауруына шалдыққан балаларға берді

Оралға бокстан Олимпиада чемпионы Данияр Елеусінов келді. «Алтын ұлды» отбасымен бірге әуежайдан облыс басшылығы қарсы алып, қабылдау өткізді. Алтай Көлгінов табыс еткен 10 млн теңгенің сертификатын чемпион сал ауруына шалдыққан балаларға беруді жөн көрді. Бұл Даниярдың Олимпиададан кейінгі туған жеріне алғашқы сапары. Чемпионды көруге асыққан жұртшылық оны таң ата әуежайдан үлкен құрметпен қарсы алды. Отбасымен бірге Оралға табан тіреген «алтын ұлға» елдің ықыласы бөлек. Өйткені басқа боксшыларымыз төрешілер тарапынан әділетсіздікке тап болып жатқанда Даниярдың алтыннан алқа тағуы рухты асқақ

Marat 7 сентября, 2016

Оралға бокстан Олимпиада чемпионы Данияр Елеусінов келді. «Алтын ұлды» отбасымен бірге әуежайдан облыс басшылығы қарсы алып, қабылдау өткізді.

Алтай Көлгінов табыс еткен 10 млн теңгенің сертификатын чемпион сал ауруына шалдыққан балаларға беруді жөн көрді. Бұл Даниярдың Олимпиададан кейінгі туған жеріне алғашқы сапары. Чемпионды көруге асыққан жұртшылық оны таң ата әуежайдан үлкен құрметпен қарсы алды. Отбасымен бірге Оралға табан тіреген «алтын ұлға» елдің ықыласы бөлек. Өйткені басқа боксшыларымыз төрешілер тарапынан әділетсіздікке тап болып жатқанда Даниярдың алтыннан алқа тағуы рухты асқақтатып, ел мерейін асырды. Данияр Елеусінов – Батыс Қазақстаннан шыққан тұңғыш олимпиада чемпионы. Әрі бұл жеңістің тарихи мәні бар. Тәуелсіздіктің 25 жылдығында 25 жасар алтын асықтай ұлымыз Қазақстанның туын көкке көтерді. Даниярдың шешуші жекпе-жегін Жайық жұртшылығы амфитеатрдағы үлкен экраннан тамашалап, тайлы-таяғы қалмай түгел жанкүйер болған еді. Сол оқиғаны баяндаған Алтай Көлгінов қызықты сәтті де еске түсірді. - Сен көк жейдеде болдың ғой. Коментатор судья кімнің қолын көтереді дегенде, бәрі айқайлап жатыр, «синий, синий» деп. Бәз бір сол сөзді судья естіп тұрғандай, - деп күлді Батыс Қазақстан облысының әкімі Алтай Көлгінов. - Даниярдың қолын көтерген кезде төбеміз көкке жетті. Қазақстан туы желбірегенде, одан артық қуаныш жоқ. Біз өзіміз сол Риода отырғандай сезіндік. Рахмет саған, Данияр! Данияр - Тәуелсіздік құрдасы. Ол 15 жасында кадеттер арасында әлем чемпионы атанса, енді, міне, жалындаған 25-інде Олимп шыңын бағындырды. Бұл жеңіс еңбекқорлығыңның жемісі деген облыс әкімі Даниярға және әкесі әрі бапкері Марат Елеусіновке 10 млн теңгенің сертификатын табыс етті. Өз кезегінде Данияр да сырт қалмай, Алтай Сейдірұлына естелік сыйлық ретінде былғары қолғап тарту етті. Ал әкім берген 10 млн теңге жүлдесін ол сал ауруына шалдыққан балаларға сыйлауды жөн көрді. - Мен бұл қаржыға мұқтаж емеспін. Сондықтан шынымен мұқтаж жандарға көмектескім келді. Жақсылық жасағым келді, - дейді Рио Олимпиадасының чемпионы Данияр Елеусінов. Қабылдауда облыс әкімі тағы бір жақсы жаңалықты жария етті. Қалада салынып жатқан Оқушылар мен жастар сарайында Данияр Елеусінов атындағы бокс орталығы ашылмақ. Қабылдаудан соң Данияр Елеусінов сал ауруына шалдыққан балаларды қамқорлыққа алған «Бәйтерек» қорының төрайымы Мерует Санкаеваға 10 млн теңгенің сертификатын тарту етіп, қайырымдылық жасады. - Даниярдың мұндай сыйлығы мен үшін де күтпеген жаңалық. Әрине, ауру баласы бар әр ана бұл қаржыны тек менің баламның еміне берсе екен деп армандайды. Бірақ бұл ақшаны 4-5 балаға ғана бөліп бермей, бәріне ортақ пайда болатындай тиімді жұмсау керек деп есептеймін. Ол үшін арнайы комиссия құрылады. Бізге оңалту орталығы керек. Бірақ бұл қаражат ондай орталық ашуға жеткіліксіз, әрине. Дегенмен, ауру балаларға арналған ресурстық орталық ашуға жетеді деп ойлаймын. Алғысым шексіз, - деді «Бәйтерек» қорының төрайымы Мерует Санкаева. Сол күні Данияр Елеусінов әкесі әрі бапкері Марат Тәліпұлымен бірге жаңадан салынып жатқан Оқушылар мен жастар сарайында болып, чемпион атындағы бокс орталығын көрді. Үлкен залда 3-4 ринг қоюға болады. Қажет құрал-жабдықтарды алып, залдың мүмкіндігін толық пайдалану керек деген Данияр ғимаратқа көңілі толатынын айтты. Арман Курманалиев

Меню

Данияр Елеусінов 10 млн теңгесін сал ауруына шалдыққан балаларға берді

Читайте также

Новости партнёров