Кәсіпкерлер де жат ағым өкілдерінің арбауына түсіп қалуда

Өңірге келген дін мәселесі жөніндегі республикалық ақпараттық-түсіндіру тобының өкілдері колледж студентері және кәсіпкерлермен кездесті. Дін істері комитетінің мамандары мен дінтанушылар жиылғандарға діни бірлестіктер, бұл саладағы мемлекеттің ұстанған саясаты, экстремизм мен радикализмнің белгілері жайлы кеңінен түсінік берді. Елімізде ресми тіркеуден өткен 3600-ден астам діни бірлестік бар. Солардың 2500-і мұсылманшылық бағытта. Мемлекет ол бірлестіктердің құлшылығына араласпайды, бірақ заңды сақтауын қадағалайды. Бүгінгі басты қауіп – діни эстремизм мен радикализм ұғымдарының ислам дінімен

Marat 2 ноября, 2016

Елімізде ресми тіркеуден өткен 3600-ден астам діни бірлестік бар. Солардың 2500-і мұсылманшылық бағытта. Мемлекет ол бірлестіктердің құлшылығына араласпайды, бірақ заңды сақтауын қадағалайды. Бүгінгі басты қауіп – діни эстремизм мен радикализм ұғымдарының ислам дінімен қатар аталуында. Балғабек Мырзаев оның басты себептері - біріншіден, діни сауатсыздықтан, екіншіден, әлеуметтік желіні дұрыс қолданбаудан деп санайды. - Дәстүрлі емес ағымға кетіп қалғандар, соның ішінде экстремизм, радикализм бағытында жүргендердің 84-85 пайызының ешқандай да діни білімі жоқ. Көбісі дінді әлеуметтік желіден үйренген. Біреуінікі Дарын Мубаров, екіншісінікі Абдухалел Әбдіжаппаров, келесілерінікі Ринат Зайнуллин, Ахтам Зауырбеков, Ділмұрат болып кете береді. Олардың бірде-біреуінің біздің елде дәстүрлі ислам бағытында жасаған еңбектері жоқ. Мақсаттары – тек қана бүлік шығару. Олардың өздері шетелде рахаттанып демалып жүр. Ал шәкірттері түрмеде отыр, - дейді ҚР Дін істері комитетінің басқарма басшысы БАЛҒАБЕК МЫРЗАЕВ. Комитеттің басқарма басшысы «бұл бағытта құқық қорғау ұйымдары жұмыс істеп жатыр, бірақ жеткіліксіз» деп санайды. Сондықтан халық арасында ақпараттық-түсінік жұмыстарын бұрынғыдан да күшейту қажет. Сол үшін де құрамында дін істері комитеті, дін мәселелері жөніндегі ғылыми-зерттеу орталығының мамандары, имамы мен теологы бар РАТТ мүшелері Жайыққа келіп, әрті түрлі санаттағы жұртшылық өкілдерімен кездесуде. Кәсіпкерлермен де тілдесудің сәті түсті. Олардың діни мәселелерге қатысы жоқ десеңіз, қателесесіз. Терроризм туралы заң бойынша қызмет істейтін орнының меншік түріне қарамастан, барлық азамат мемлекеттік органмен бірігіп жұмыс істеуге міндетті. Әрі кәсіпкерлердің өздері жат ағымның жетегінде кеткендердің алдауына түсіп қалып, сан соғып жатады. Бұған бір мысал. - Түркістандық бір азаматтың Сирияға кетем деген ойы болған. Бірақ қаражаты жоқ. Сосын бір кәсіпкерге барып, «менің анам ауырып жатыр еді, емдетуге көмектесіңізші» деп ақша сұрайды. Кәсіпкер қайырымдылық жасамақ болып, сұраған ақшасын береді. Ал ол азамат Сирияға тайып тұрады. Кейін о жақта ешқандай джиһад жоқ екенін, соғысып жүргендердің ойы мүлдем басқа екенін түсінген соң елге қайтып келеді. Келгенде оны құқық қорғау органдары ұстады. Сосын тергегенде ақшаны ана кәсіпкерден алғанын айтады. Ал кәсіпкер қаржыны қайырымдылық мақсатқа бергенін айтып, өзін ақтап алу үшін біраз әуреге түсті. Сондықтан сақ болуыңыз керек әрқайсысыңыз. Алдыңызға кім келіп отырғанын мұқият зерттеңіз, - дейді ҚР Дін істері комитетінің басқарма басшысы БАЛҒАБЕК МЫРЗАЕВ. Акерке Абишева

Меню

Кәсіпкерлер де жат ағым өкілдерінің арбауына түсіп қалуда

Читайте также

Новости партнёров