Орал қаласында білім саласына енгізілген өзгерістер түсіндірілуде

Бүлдіршіндер 5 жастан бастап мектепке барады. Енді 5 жасқа толмай жатып, балалар бөбекжайлармен қоштасатын болады. Бұл білім министрлігінің қаулысымен енгізіліп отырған өзгеріс. Алайда ата-аналар балаларын ерте жастан мектепке беруге келіспейтіндерін білдіруде. Себебі бұл жаста оқу бағдарламасын алып кету қиынға соғады деген пікірде. Иллюстративное фото из архива "МГ" «Березка» балабақшасы жанына жиылған ата-аналардың қолдарында білім бөлімінен келіп жеткен хабарлама бар. Жазылған өзгеріспен танысқан азаматшалар бүлдіршіндер мектеп бағдарламасын алып кетуге дайын жаста деген сөзге келіспетінде

gorod 6 июля, 2018

Иллюстративное фото из архива "МГ" «Березка» балабақшасы жанына жиылған ата-аналардың қолдарында білім бөлімінен келіп жеткен хабарлама бар. Жазылған өзгеріспен танысқан азаматшалар бүлдіршіндер мектеп бағдарламасын алып кетуге дайын жаста деген сөзге келіспетіндерін айтып отыр. Ал білім бөлімінің мамандары барлық өзгерістер заң жүзінде іске асқалы жатырғанын мәлімдеді. Оған сай 6 жастан бастап бала бірінші сыныпқа қабылдануы тиіс. Ал 5 жасқа толғанда мектеп алды даярлық тобына алынады. Айта кетейік, ҚР білім және ғылым Министрлігі баланы мектепке қабылдау ережесіне өзгеріс енгізген болатын. Оған сай, 2018-жылы бірінші сыныпқа бұрынғыдай осы жылғы күнтізбеге орай алты жасқа толатын бес жастағы балалар да қабылданады. «Қыркүйек-желтоқсан айларында туған балалар осы жылдан бастап бірінші сыныпқа барады, олар күнтізбе бойынша жыл соңына дейін толықтай алты жасқа толады. Сондықтан мектепке қабылдануға толық құқылы. Ата-аналар да басқа білім беретін мекемелерді таңдай алады. Оқудан бас тартқан жағдайда ата-аналар мен оқушының заңды өкілі тұрғылықты мекенжайы бойынша жергілікті білім беру мекемесіне жүгінеді.» Бұл ҚР білім және ғылым министрлігінің хабарламасында көрсетілген өзгеріс. -«Мектепке дейінгі тәрбие және мектеп алды даярлық деген мүлдем екі бөлек нәрсе. Сондықтан ата-аналар түсінуі тиіс. Бағдарламада оларға білім берудің жетілдірілген әдістері қарастырылған. Қазіргі балалар өте зерек. Бұл оқытушы-педагог, психологтармен жан-жақты талқыланып, бірнеше жыл бойы сарапталып барып енгізіліп отырған өзгеріс. Біз ата-аналардың алаңдауын түсінеміз. Жаңа оқу жылына дейін түсіндіру жұмыстары жүргізілетін болады»,-дейді Орал қалалық білім бөлімі басшысының орынбасары Батика Пайдина. Сонымен 5 жастан бастап бала балабақшада емес, мектеп алды даярлық тобында білім алады. Және бұрын туған күндері қыркүйектен кейінгі айлардағы балалар 1-ші сыныпқа қабылданбай келсе, биылдан бастап жыл соңына дейінгі аралық қамтылмақ. Ата-аналарға жаңашылдықтарға қатысты түсіндіру жұмыстары жалғасуда.

Меню

Орал қаласында білім саласына енгізілген өзгерістер түсіндірілуде

Читайте также

Новости партнёров