Орал театры халықаралық фестивальда қатарынан ҮШ жүлдені жеңіп алды

Орал театры кезекті рет мықтылығын дәлелдеді. Батыс Қазақстан облыстық қазақ драма театры Македонияның Велес қаласында өткен «Стоби - 2016» антикалық драма театрлары ХV халықаралық фестивалінің Бас жүлдесін жеңіп алды. Сондай-ақ «Ең үздік режиссура», «Ең үздік әйел бейнесі» жүлделері де біздің театрдың қоржынында. Осымен 15-ші рет өткен халықаралық фестивальға Сербия, Болгария, Македония және Қазақстаннан 8 театр қатысқан. Өнер бәйгесінде сарапқа салынған небәрі төрт жүлденің 3-уі біздің театр қанжығасында. Атап айтқанда, ұжымға фестивальдің Бас жүлдесі, «Троя арулары» трагедиясының қоюшы-режи

Marat 27 сентября, 2016

Осымен 15-ші рет өткен халықаралық фестивальға Сербия, Болгария, Македония және Қазақстаннан 8 театр қатысқан. Өнер бәйгесінде сарапқа салынған небәрі төрт жүлденің 3-уі біздің театр қанжығасында. Атап айтқанда, ұжымға фестивальдің Бас жүлдесі, «Троя арулары» трагедиясының қоюшы-режиссері Қуандық Қасымовқа - «Ең үздік режессура» және бас кейіпкердің роліндегі актриса Бибігүл Исалиева - «Ең үздік әйел бейнесі» аталымында жеңімпаз атанды. Қойылым Македония төрінде қазақ тілінде қойылды. Көрермен тілді түсінбесе де, актерлардың сезімталдығы мен шынайы ойнау шеберлігіне таң қалған. Театр ұжымын кезекті жеңіс тұғырына шығарған трагедияда Троя патшалығының құлап, оны грек жауынгерлері талан-таражға салып жатқан кезі суреттеледі. Зорлық-зомбылық пен соғыс зұлматының қасіреті бейнеленген көріністер бүгінгі заманмен де үндес. Өнер ұжымының антикалық театр отаны Макодония елінен алған әсері мол. Орал театры тап осы спектакльмен былтыр Қырымда, Керчь қаласында өткен «Боспорские агоны» халықаралық антикалық өнер фестивалінде бас жүлдені жеңіп алып және дәл осы аталымдарда топжарған еді. Биыл да сол жеңіс қайталанып, қазақ өнерінің мерейі үстем болды. Театр ұжымы өздерінің жеңісін елге қайтар жолда, пойызда естіген. Сол сәттегі сезімдерін сөзбен жеткізу аз. - Пойызда түнде директорымыз бәрімізді оятып, жеңгенімізді айтып жатыр. Енді қуана айқайлайық десек, жолаушылар ұйықтап жатыр. Сосын дыбысымызды шығармай, қуандық. Эмоция алып барады. Анау қуаныш, жеңісті сыртқа фонтан секілді айқайлап, қуанып шығарғың келеді. Бірақ болмайды. Сондықтан барлығымз сыбырлап отырып, «Көк тудың желбірегені» әнін айттық, - дейді сол сәттегі әсерімен бөліскен БҚО қазақ драма театрының көркемдік жетекшісі, актриса Бибігүл ИСАЛИЕВА. Бірақ фестиваль жүлделері жеңімпаздардың қолына әлі тиген жоқ. Өйткені театр ұжымы бір апталық фестивальдің тек үш күніне қатысқан. Ал жүлделерді халықаралық өнер бәйгесінде қазылық еткен сыншылар елге келіп, өздері табыс етпек. Арман Курманалиев

Меню

Орал театры халықаралық фестивальда қатарынан ҮШ жүлдені жеңіп алды

Читайте также

Новости партнёров