Оралда биыл үш мекеме жекенің қолына өткен

Жекенің қолына өткен бұрынғы мемлекеттік мекемелердің қазіргі жағдайы қалай? Биыл облыс орталығында 4 мекемежекешелендірілмек. Жалпы өңірде 2016-2020 жылдары 12 ұйымды бәсекелес ортаға беру жоспарланған. Олардың дені - тұрғын үй коммуналдық шаруашылық саласындағы нысандар. Биыл жекеге өткен 3 мекеменің бірі - «Орал Таза Сервис» серіктестігі. Тұрмыстық қатты қалдықтарды жинаумен айналысатын мекеменің бастапқы құны 194 млн теңгеге бағаланған. Ал аукционда кәсіпорын 333 млн теңгеге сатылып кеткен. Қазір жағдайымыз жақсы дейді мекеме басшысы. Жекешелендіру үрдісі мекеме қызметіне оң әсер еткен. Қа

Marat 30 ноября, 2016

Биыл жекеге өткен 3 мекеменің бірі - «Орал Таза Сервис» серіктестігі. Тұрмыстық қатты қалдықтарды жинаумен айналысатын мекеменің бастапқы құны 194 млн теңгеге бағаланған. Ал аукционда кәсіпорын 333 млн теңгеге сатылып кеткен. Қазір жағдайымыз жақсы дейді мекеме басшысы. Жекешелендіру үрдісі мекеме қызметіне оң әсер еткен. Қаржылық ахуалы тұрақтанған. 150 жұмысшының жалақысын беруде кідіріс жоқ. - Біздің мекемені жеке компания қолына алды. Сатылымның құны нарықтық бағадан жоғары болды. Бұл біздің кәсіпорынның инвестициялық тартымдылығын көрсетеді. Қазір мекеме қалыпты жұмыс істеуде. Жалақы, салық төлеуде қарызы жоқ. 35 техника бар. Қоқыс қалдықтарын уақытылы шығарамыз. Жекенің қолына өту бізге қолайлы болды, - дейді «Орал Таза Сервис» ЖШС директоры ӘДІЛБЕК ҚАДЫРОВ. Егер жеке компания тұрғындар алдындағы өз міндетін жөнді атқармаса, мекеме мемлекет меншігіне қайтарылады. Биыл бұдан басқа «Облыстық саламатты өмір салтын қалыптастыру орталығы» мен «Батысагросервис» мекемелері жекешелендірілген. Тағы біреуі алдағы желтоқсан айында қайта аукционға қойылмақ. Ал келер жылы тек бір ұйым - Орда коммуналдық мекемесі бәсекелестік ортаға беріледі. Жалпы өңірде жекешелендірілетін мекемелердің тізімін кеңейту мақсатындағы жұмыс қолға алынған. - ҚР Қаржы министрлігі, ҚР Ұлттық экономика министрлігі басшылығымен Премьер-министрдің тапсырмасына сәйкес бәсекелестік ортаға берілуге жататын мекемелердің тізімін кеңейту бағытында жұмыстар жүргізілуде. Біздің облысымыз бойынша 50-ге жуық мекеме-ұйымдрдың тізімі жіберілді. Алдағы уақытта солардың ішінен жаңа тізім бекітілетін болады. Яғни, жекешелендірілетін нысандардың саны артады, - дейді БҚО қаржы басқармасының бөлім басшысы ЖЕҢІС НЫҒМЕТУЛЛИН Бұдан бұрын, яғни 2014 жылы өңірде «Орал-Жер», «Бірлік мал зауыты» серіктестіктері мен №3 қоғамдық монша жекеге өтіп, одан түскен 14,2 млн. теңге бюджетке аударылған еді. Акерке Абишева

Меню

Оралда биыл үш мекеме жекенің қолына өткен

Читайте также

Новости партнёров