Зачаганда дәрігерлік қабылдау орталығы ашылды

Медициналық қызметтің қолжетімділігін арттыру - күн тәртібінен түспейтін тақырып. Халық тығыз қоныстанған Зачаганск кентінде бұл мәселе аса өзекті жайттың бірі болатын. Енді бұл түйіткілдің түйіні тарқамақ. Жәңгір хан атындағы БҚАТУ базасында дәрігерлік қабылдау орталығы ашылды. Жаңа нысанда 8 мыңдай тұрғынға сапалы медициналық қызмет көрсетудің жан-жақты мүмкіндіктері бар. Осыдан екі жылдай бұрын Зачаганск кентіндегі №6 емхана 40 мыңдай тұрғынға қызмет көрсетсе, бүгінде халық саны 57 мыңнан асқан. Сондықтан да дәрігерлердің жүктемесі артып, келушілерді қабылдауда қиындықтардың туындағаны да р

Marat 5 ноября, 2016

Осыдан екі жылдай бұрын Зачаганск кентіндегі №6 емхана 40 мыңдай тұрғынға қызмет көрсетсе, бүгінде халық саны 57 мыңнан асқан. Сондықтан да дәрігерлердің жүктемесі артып, келушілерді қабылдауда қиындықтардың туындағаны да рас. Облыстық денсаулық сақтау басқармасы мен Жәңгір хан атындағы БҚАТУ арасындағы әріптестік негізінде дәрігерлік қабылдау орталығының ашылуы бұл мәселені оңтайлы шешуге мүмкіндік беріп отыр. Емдеу мекемесі Жәңгір хан көшесі 43/2 мекенжайында орналасқан орталықтың ашылуымен оқу орнының студенттері, оқытушы-профессорлық құрамы мен осы аумақ тұрғындарына сапалы медициналық қызмет қолжетімді бола түсті. - Медициналық орталықтың ашылғанына біз өте қуаныштымыз. Өйткені, студенттерге де, үлкендерге де орналасқан жері өте қолайлы, - дейді Жәңгір хан атындағы БҚАТУ ректоры НҰРЛАН СЕРҒАЛИЕВ. Жаңадан ашылған орталықта №6 қалалық емханадан үш учаскенің дәрігер- мамандары қызмет көрсетеді. Жұмыс кестесі бес күн бойы келушілерге қолайлы уақытқа сәйкестендірілген. «Қазмед» жүйесі арқылы дәрігер қабылдауына жазылу, үйге шақырту жасау мүмкіндігі қамтамасыз етілген. - Процедуралық бөлім таңғы 8-ден кешкі 8-ге дейін жасайды. Күндізгі стационар да қызмет етеді. 6 орындық. Лаборатория таңғы 8-ден түскі 12-ге дейін жұмыс істейді, - дейді №1 отбасылық денсаулық орталығының меңгерушісі ӘСЕМ САҚЫПКЕРЕЙ. Ұзын-сонар кезекте отырудан мезі болған тұрғындар үй іргесінен сапалы ем-дом алудың мүмкін болғанына қуанышты. - Енді осында келіп қараламыз. Жолдан өтуге де өте ыңғайлы. Қуанып жатырмыз. - Бұл Орал қаласының тұрғыны АЙША ӘЛСЕЙІТОВАНЫҢ пікірі. Бұл күні өткен ашық есік күнінде кардиолог, хирург және эндокринолог пен навропотолог мамандар тұрғындарды қабылдады. Болашақта бұндай қабылдаулар кестеге сәйкес жүйелі жүзеге асырылатын болады.

Арман Курманалиев

Меню

Зачаганда дәрігерлік қабылдау орталығы ашылды

Читайте также

Новости партнёров