10 айда 11 жасөспірім өз өмірін қиған

Өрімдей өрендердің өз еркімен бұл өмірмен қоштасуына не себеп? Қалайша қайғылы оқиғалардың алдын аламыз? Өзекті өртеп, әркімді алаңдатқан бұл сауал бүгін №10 мектепте өткен жоспардан тыс семинарда жан-жақты қаузалды. Педагог-психологтардың басын қосқан бұл шараның кенеттен өткізілуі тегін емес. Өйткені, дабыл қағатын жағдай. Жыл басынан бері облыста 11 жасөспірім өз өмірін оп-оңай қиа салған. Өзін-өзі өлтіру, әсіресе, өндір жастың қыл арқанды қайшымен қия салғандай өз өмірін шорт кесуі бұрын шетін оқиға еді. Қазір таңсық емес. Естісек те, селт етпейтін болдық. Шошысақ та, шарасызбыз. 20 күн бұ

Marat 11 ноября, 2016

Өзін-өзі өлтіру, әсіресе, өндір жастың қыл арқанды қайшымен қия салғандай өз өмірін шорт кесуі бұрын шетін оқиға еді. Қазір таңсық емес. Естісек те, селт етпейтін болдық. Шошысақ та, шарасызбыз. 20 күн бұрын №39 мектепте 15 жасар қыз өз өмірін қиа салды. Артынша Ақжайық ауданы Есенсай ауылында да осындай оқыс оқиға болды. Бұған не себеп? - Бәріне ортақ бір себеп жоқ. Әр жағдайда әр түрлі. Көбінесе отбасымен арасындағы жанжал, достарымен не мұғалімдермен ренжісу, алғашқы махаббат әуресі, сол сияқты ата-анасымен ренжісу, олардың ажырасуы, депрессивтік, яғни күйзеліс жағдайлары да себеп болып жатады. Бұл жайтардың көбі үлкен адамдар үшін түкке тұрмайтын жағдай болғанымен, бала үшін глобальді мәселе боп көрінеді, - дейді БҚО бойынша бала суицидологы ӘЙГЕРІМ ҒАЙСАҒАЛИЕВА. 10 айда 11 жасөспірім өз өмірімен қоштасқан. Өткен жылы 7 бозбала өз еркімен ана дүниеге аттанған. Суицидолог айтқандай, оның себептері әр түрлі. Бұл тек психологиялық қана емес, әлеуметтік, медициналық, ізгілік, құқықтық жағдаятардың да жиынтығы. Келеңсіздіктің алдын алу үшін, әуелі, баланың мінез-құлқындағы өзгеріске аса мән беру керек дейді мамандар. Содан соң мектеп психологына жолдау керек. - Біз алдын алу шарасы бойынша психолог маман ретінде жоспар құрамыз. Сол жоспар бойынша тәуекел тобын анықтаймыз. Ол оқушылармен психо-ағарту, коррекциялық жұмыстар жасаймыз. Оған ата-аналар, мұғалімдер де қатысады, - дейді Орал қалалық №45 жоббм педагог-психологы ЖЕМІС ТӨЛЕУОВА. Суицидтің алдын алуға болады. Өйткені, өзін-өзі өлтіре салу оңай емес. Және бала бұл шешімді бір күнде қабылдай салмайды. Айлап, апталап дайындалады. Әлеуметтік желілерге «өлгім келеді» деген жазбалар қалдырады. Психологтардың айтуынша, бұл «мені құтқарыңдар» деген белгі екен. Сондықтан үлкендер не құрбы-достарының баланы аман алып қалуға мүмкіндігі бар. Мәселен, өткен жылы 14 баланы теріс райынан қайтарудың сәті түскен. Білім басқармасы мен прокуратура ммандары қайғылы оқиғалардың алдын алудың бір жолы – ата-аналар мен мұғалімдерге әдістемелік ұсынбалар тарату деп есептейді.

Акерке Абишева

Меню

10 айда 11 жасөспірім өз өмірін қиған

Читайте также

Новости партнёров