84 жасөсіпірім диабет дертіне шалдыққан

Қан құрамындағы қант мөлшерінің шамадан тыс көбеюі адам ағзасындағы көптеген өзгерістерге әкеледі. Диабет деген атпен белгілі бұл сырқаттан құлан-таза айығу әзірге мүмкін болмай отыр. Әйтсе де, созылмалы сырқатты тежеу мен қадағалауда ұстауға әркімнің де шамасы бар, дейді дәрігер мамандар. Диабетке шалдыққан науқастар сырқатпен күресе жүріп, белсенді өмір сүруді ұстаным етеді. Сондықтан да олар күн сайын қандағы қант мөлшерін бірнеше мәрте тексеріп, қажетті ем-домын қабылдауды дағдыға айналдырған. Дәрігер-мамандардың айтуынша, бұл сырқат тұқым қуалайды. Бірақ, соңғы кездері зиянды дағды, дұрыс

Marat 16 ноября, 2016

Диабетке шалдыққан науқастар сырқатпен күресе жүріп, белсенді өмір сүруді ұстаным етеді. Сондықтан да олар күн сайын қандағы қант мөлшерін бірнеше мәрте тексеріп, қажетті ем-домын қабылдауды дағдыға айналдырған. Дәрігер-мамандардың айтуынша, бұл сырқат тұқым қуалайды. Бірақ, соңғы кездері зиянды дағды, дұрыс күтінбеу және өзге де түрлі себептерге байланысты бұл ауруға шалдыққандар артып отыр. - Әрине, генетикалық фактордың негізгі себеп екені рас. Бірақ түрлі вирустық инфекция, жүйке жүйесінің шаршауы мен дұрыс тамақтанбау, нашар экологияның салдарынан да осы ауруға шалдыққандар көбейіп отыр, - дейді балалар эндокринологы ГҮЛНӘР БАЕСОВА. Ең өкінішітісі, диабет дертінің балалар арасында белең алуы. Бүгінде облыс бойынша 84 жасөспірім дәрігерлердің есебінде тұр. Хал-жағдайы нашарлап, ауруханаға түскен Романның осы дертке шалдыққаны бірден анықталыпты. Жанұяда ешкім диабетпен ауырмайды. Жеткіншек дерттің себебін тамақтанудағы жүйесіздік деп бағалап отыр. - Кола сусынын жақсы көретінмін. Тәттілерден аузым босамайтын. Шөлдей беретінмін, жиі-жиі жүрегім айнитын. Екі жыл бұрын ауруханаға түстім. Қант мөлшерін тексергенде 20-дан асып кетіпті. Сонда білдім, дұрыс тамақтанбауыдң соңы неге соқтыратынын. Қазір, әрине, өкінемін, - дейді Орал қаласының тұрғыны РОМАН ЕЛИЗАРОВ. Бүгінде барлық емханада диабет мектептері бар. Онда науқастарды өз денсаулығын қадағалауды үйретеді. Дұрыс тамақтану мен саламатты өмір салтын ұстану ең басты талап. Мәселен, балалардың тәтті ірімшігіндегі қант мөлшері диабетпен ауыратындар үшін шамадан артық. Дәрігерлер ірімшіктің майсыз түріне ғана рұқсат береді. Ал аскөк, көк жуа, жұмыртқа және еттің күнделікті рационда болғаны жөн. - Бүгінде балалар күн сайын фаст-фудпен тамақтануды дағдыға айналдырған, - дейді балалар эндокринологы ГҮЛНӘР БАЕСОВА. - Бұл өсіп келе жатқан жас ағза үшін өте зиянды. Осы туралы балаларға жиі айтып, түсіндіру керек. Өз денсаулығына дұрыс көңіл бөлмеудің салдарынан науқасқа шалдыққан Роман енді тек саламатты өмір салтын серік етуді ұстаным ету керек дейді. Оның айтуынша, белсенді өмір сүру, таза ауада серуендеу мен жаман әдеттерден бойды аулақ салу - кеселдің алдын алудың кепілі. Акерке Абишева

Меню

84 жасөсіпірім диабет дертіне шалдыққан

Читайте также

Новости партнёров