Базарлар мен ойын-сауқ орталықтарында ұрлық көп

Қалада тіркелген қылмыстық құқықбұзушылықтардың жартысынан астамы – ұрлық-қарлық. Тіпті азаятын түрі жоқ. Жыл басынан бері 4637 оқиға қағазға түскен. Соның 20 %-дан астамы сауда-ойын-сауық орындарында және базарларда жасалады екен. Бұл келеңсіздікті азайту үшін қалалық прокуратура «Ұрлыққа тосқауыл» жобасын қолға алды. Бұған дейін шенділер ұрылар жиі мінетін қоғамдық көліктер мен аялдамаларды анықтаған. Енді сауда-саттық және халыққа қызмет көрсететін нысандар – назарда. Кісі қалтасына қол салатын тексіздер бейқам жүрген жандарды бағады. Айналада бейнебақылау камералары жоқ болса, олар үшін ті

Marat 10 ноября, 2016

Кісі қалтасына қол салатын тексіздер бейқам жүрген жандарды бағады. Айналада бейнебақылау камералары жоқ болса, олар үшін тіпті керім. Статистикаға сенсек, ұрлық-қарлықтың әр бесеуі сауда-саттық орындарында жасалады. Қара тізімнің көшін «Мирлан» базары бастап тұр. Мұнда 158 оқиға тіркелген. - Бізде ұрлық-қарлықтың ашылуы жақсы. Сондықтан да ұрлық саны бәрінен де көп болып көрінуі мүмкін. Қазір базар әкімшілігі өркениетті сауда тәсіліне көшуге бет бұрды. Мемлекет талап қойды. Мерзім бекітілді. Сондықтан біз контейнерлерді жойып, сауда үйін кеңейтуді қолға алдық, - дейді «Мирлан» базары күзет қызметінің бастығы ҚАДЫР ҚАЙЫРҒАЛИЕВ. Базарлардағы ұры-қары жайлаған тар сауда қатарларын 3 жылдан кейін түгел жойылуы тиіс. Бірақ қылмыс мұны күтіп тұрмайды. Сондықтан қауіпсіздік шараларын күшейтуді қазірден бастаған жөн. Бұл жұмысқа барлық мүдделі орган тартылмақ. - Ішкі істер департаменті бір аптаның ішінде кәсіпкерлер палатасы мен қалалық әкімдікке де «Мирлан» базарындағы барлық 158 ұрлықтың тура қай жерде болғаны жайлы дәлме-діл ақпаратты беру керек. Яғни біз ұрлықтың қай қатарда, қай бутикте, қай жақтан болғанын білуіміз керек. Және қылмыстың басқа емес, неге дәл осы жерде болатынын сараптауымыз керек. Осылай барлық нысандарды талдаймыз, - деп тапсырды Орал қаласының прокуроры АЙДЫН РАШИДОВ. Ұры-қары көп кезетін орынжайлардың екінші тобы - сауда-ойын-сауық орталықтары. Бұл топта «Сити-центр» бірінші орында келеді. Бұл жерде 66 ұрлық тіркелген. Кафе, мейрамхана, түнгі клубтар да ұрылардың сүйікті мекені. - Көңіл көтеру және ойын-сауық орындарында 174 ұрлық тіркелген. Соның ішінде кафелерде – 167, мейрамханаларда – 11, түнгі клубтарда 10 дерек анықталды. Ал қызмет көрсету нысандарында 82 ұрлық тіркелген. Атап айтқанда, сұлулық салондарында – 35, көлік жөндеу орындарында – 20, көлік жуу жайларында – 14, қонақүйлерде 12, ательеде 5 қылмыс жасалған, - деп баяндады Орал қаласы прокуратурасы бөлімінің аға прокуроры ДАРХАН ШЕКЕЕВ. Көбіне ұры-қарылар ұялы телефон, ақша, әмиян, азық-түлік пен тұрмыстық бұйымдарды ұрлайды. Тіпті күзетті де пысқырмайды. Істің салдарымен емес, себебімен күресу керек дейді шенділер. Кәсіпкерлер палатасы мен қалалық әкімдік жылдың соңына дейін бизнес нысандардың бейнебақылау камераларымен қамтылуы жайлы мәлімет жинауы тиіс. Ұрлықпен күрес күшейтіледі. Бүгінде бұл қылмыстың ашылу көрсеткіші - 60 %.

Арман Курманалиев

Меню

Базарлар мен ойын-сауқ орталықтарында ұрлық көп

Читайте также

Новости партнёров