Мемлекеттік бағдарлама бойынша өз ісін ашқан Оралдық кәсіпкерлер бар

Қоян өсіріп, көл-көсір пайдаға кенелем деген кәсіпкер бар екен қалада. Көлік жөндеп, құрылыс бұйымдарын шығарып, сауын сиыр алып та іс тетігін тапқан оралдықтар бар. Бұл шағын кәсіпорындардың барлығы да «Жұмыспен қамтудың жол картасы - 2020» бағдарламасы арқылы ашылған. Қала әкімі Нариман Төреғалиев кәсіптің кілтін тапқан азаматтардың шаруасымен танысып, бағдарламаның өзге де мүмкіндіктерін тәптіштеп түсіндірді. «Жұмыспен қамту» бағдарламасының игілігін тек ауылдық жердің ғана емес, қала іргесіндегі кенттік округ кәсіпкерлері де көріп келеді. Мәселен, қайта құрылған «Жайық-дом» кәсіпорны құрыл

Marat 24 ноября, 2016

«Жұмыспен қамту» бағдарламасының игілігін тек ауылдық жердің ғана емес, қала іргесіндегі кенттік округ кәсіпкерлері де көріп келеді. Мәселен, қайта құрылған «Жайық-дом» кәсіпорны құрылыс бұйымдарын шығарумен айналысады. Істі бастауға бағдарлама арқылы алған 3 млн теңге көлеміндегі несие қаражаты көмектескен. «Тас шығаруға қажет шикізат отандық тауарөндірушілерден» дейдікәсіпкер АРМАН НҰРПЕЙІСОВ. - Кептіру камераларын алдық. Соның арқасында біз қыста да жұмыс істеу береміз. Сондай-ақ тиегіш, автокар. Күніне 500 дана керамзитоблок, пескоблок шығарамыз. Бағдарлама арқылы қолдау тапқан тағы бір жоба — көлік жөндеу кешені. Несие қаржысына ғимарат салынып, қажет құрал-жабдық алынған. Жаңа жұмыс орнында екі қолға бір күрек тапқандардың бірі – АРМАН ДӘУЛЕТОВ. - Жұмысым жақсы. Табыс бар. Күніне 3-4 көлік жөндеймін, - дейді ол. Отбасылық кәсіптің негізгі иесі зейнет жасына жеткен Әділбек Нығметов. Шаһар басшысы оған мемлекеттік қолдаудың басқа да мүмкіндіктерін тәптіштеп түсіндірді. - Егер сіз осы 3 миллион теңге несиеңізден құтылсаңыз, Үкімет сізге тағы да 5 млн теңге несие береді. Жеңілдетілген пайызбен. Қайтарым демалысымен. Сондай-ақ бағдарлама арқылы жұмысшыларға төлейтін жалақының 35 пайызын субсидиялауға болады. Яғни сіз биржада тіркеуде тұрған адамды жұмысқа аласыз. Ал оның жалақысының 35 пайызын үкімет, қалғанын өзіңіз төлейсіз, - деп түсіндірді Орал қаласының әкімі НАРИМАН ТӨРЕҒАЛИЕВ. Ал Абзал Сәрсенов қоян өсіріп, көл-көсір табысқа кенелмек. Негізінен әуелден үйде қоян ұстайды екен. Кейін өсімтал жануардан келер пайда мол екенін естіп, әрі оның еті диеталық тағам екенін ескеріп, қоян шаруашылығын қолға алуды ұйғарыпты. -«Жұмыспен қамтудың жол картасы - 2020» бағдарламасы арқылыь 3 млн теңге несие алдық. Соған қоян өсіруді әрі қарай дамытпақ ойым бар. Қазір 80 бас қоян бар. Шөбін-жемін уақытылы беріп тұрамыз. Астын тазалаймыз. Күтімі жақсы болуы керек, - дейді кәсіпкер АБЗАЛ СӘРСЕНОВ. Мемлекеттік бағдарлама арқылы ашылған тағы бір жұмыс орны – Зачаган кентіндегі сұлулық салоны. Мұнда қазір 6 адам еңбек етеді. Отбасылық бизнес нысанын кәсіпкер қызының есімімен «Милана» деп атауды ұйғарыпты. Қала іргесіндегі шағын сүт фермасы да несие қаражатымен ашылған. Сауын сиырлар Зеленов ауданынан әкелініпті. 22 жасар жас кәсіпкер келешекте жұмысшылар санын көбейтпек. Бағдарлама жүзеге асырыла басталғалы 5 жылда қала бойынша 119 жұмыссыз 336 миллион теңге несие алып, өз кәсібін ашқан. Өзгелерге де, нақтырақ айтқанда 200-ге жуық оралдыққа жұмыс тауып берген.Биыл аталған бағдарламаның екінші бағыты бойынша қалаға 158 миллион теңге қаржы бөлініп, 52 адам несие алған. Қала басшылығы халықтың сауда-саттықтан гөрі, өндіріспен шұғылданғанын құп көреді. Сондықтан биыл базарларда, сауда үйлерінде тұрғындармен дүркін-дүркін кездесу өткізіліп, мемлекеттік бағдарламаның берері егжей-тегжейлі түсіндірілген. Оның нәтижесі көз алдарыңызда дейді шаһар басшысы. Акерке Абишева

Меню

Мемлекеттік бағдарлама бойынша өз ісін ашқан Оралдық кәсіпкерлер бар

Читайте также

Новости партнёров