Ономатикаға қатысты жаңа еңбек жарық көрді

Оралда «Батыс Қазақстан облысының ономастикалық кеңістігі» атты ғылыми-көпшілік монографияның таныстырылымы өтті. Жаңа еңбектің авторы – филология ғылымдарынң кандидаты, өлкетанушы-ғалым Ұлдай Ержанова. Бұл жұмыс ғалымның ел тәуелсіздігінің 25 жылдығына арнаған тартуы. Жер-судың аты - халықтың хаты. Топонимикалық атаулар елдің тарихы мен ұлттық болмысын айқындайды. Сондықтан да төл ономастиканы дамытудың тілдік, мәдени рухани маңызымен қатар, саяси мәні де зор. Ұлан-ғайыр даладағы жер-су атауларын түгендеу арқылы қазақ халқының шежірелі тарихын мазмұнды мағлұматтармен толықтыру мүмкіндігі бар.

Marat 28 ноября, 2016

Жер-судың аты - халықтың хаты. Топонимикалық атаулар елдің тарихы мен ұлттық болмысын айқындайды. Сондықтан да төл ономастиканы дамытудың тілдік, мәдени рухани маңызымен қатар, саяси мәні де зор. Ұлан-ғайыр даладағы жер-су атауларын түгендеу арқылы қазақ халқының шежірелі тарихын мазмұнды мағлұматтармен толықтыру мүмкіндігі бар. 40 жылдан астам ұстаздық етіп, 20 жылдан бері өлке тарихын зерделеп жүрген ғалым Ұлдай Ержанова Жайық өңірінің ономастикалық мәселелерін ғылыми ізденістеріне өзек етіп келеді. «Батыс Қазақстан облысының ономастикалық кеңістігі» атты ғылыми-көпшілік монография – оның көпжылдық ізденісінің нәтижесі. Ономастикалық зерттеулері арқылы өлке тарихын танып-білуге сүбелі үлес қосып жүрген ғалымды 60 жасқа толуымен құттықтаған өңір басшысы А.Көлгіновтің игі тілекке толы алғыс хатын қала әкімі Нариман Төреғалиев табыс етті. «Ғылыми-көпшілік монографияға Орал қаласы көшелері атауларының енуі шаһардың өткенін білумен қатар, болашақта көше атауларын беру жұмыстары үшін де маңызды» деді қала әкімі. Үш бөлімнен тұратын ғылыми еңбекке 5 мыңнан астам атау енген. Монография тек студенттер мен оқушылар үшін емес, барша оқырманға танымдық тұрғыда аса қызықты дейді ғалымдар. - Батыс Қазақстан жер-су атауларының тамыры тереңде. Сондықтан еңбек те өте мазмұнды. Оның бірінші тарауында көне қабаттар - түркілік, оғыз, араб, парсы, моңғол, орыс деп 6 қабатқа бөлген. Ал екінші бөлімін Батыс Қазақстандағы жер-су атауларының сөздігіне арнаған. Ол 1500-дей сөзден тұрады. Бұл ұсақ жұмыс сияқты болғанымен, оның бәрін жүріп, барып, мәлімет жинау оңай шаруа емес, - дейді тарих ғылымдарының кандидаты ЖАҢАБЕК ЖАҚСЫҒАЛИЕВ. Айта кету керек, бұл монография еліміз бойынша ономастика мәселелеріне арналған алғашқы көлемді ғылыми еңбек. Бүгін тұсауы кесілген ғылыми жұмыстың өңірдегі топонимикалық атауларды ретке келтіру жұмыстарына септігі зор болары анық. Өйткені, өлкеде отаршылдық кезеңнен қалған жер-су атаулары әлі де көп. Акерке Абишева

Меню

Ономатикаға қатысты жаңа еңбек жарық көрді

Читайте также

Новости партнёров