Оралда үлкен теннистен халықаралық турнир өтті

Орал қаласында үлкен теннистен халықаралық турнир өз жалауын көтерді. Жоғары деңгейлі сайыста Қазақстан мен Ресей, Грузия мен Белоруссия және Ұлыбритания сияқты алыс-жақын 9 елден келген жас спортшылар сынға түсті. Үлкен теннистен бұндай халықаралық деңгейдегі сайыс Оралда тұңғыш рет өткізіліп отыр. Жарыста жас спортшылардың шеберліктері олимпиадалық жүйе бойынша сараланады. 18 жасқа дейінгі топта өнер көрсететін жас шеберлер үшін бұл турнирдің мәні айрықша. Осы сайыста жоғары нәтиже көрсеткен спортшы өз деңгейінің жоғары екендігін дәлелдеген деп танылады. Алыс-жақыннан келген спортшылар сынға

Marat 27 ноября, 2016

Үлкен теннистен бұндай халықаралық деңгейдегі сайыс Оралда тұңғыш рет өткізіліп отыр. Жарыста жас спортшылардың шеберліктері олимпиадалық жүйе бойынша сараланады. 18 жасқа дейінгі топта өнер көрсететін жас шеберлер үшін бұл турнирдің мәні айрықша. Осы сайыста жоғары нәтиже көрсеткен спортшы өз деңгейінің жоғары екендігін дәлелдеген деп танылады. Алыс-жақыннан келген спортшылар сынға түсуге дайынбыз дейді. - 7 жастан бері тенниспен айналысамын. Биыл Еуропа бойынша 14 жасқа дейінгілер арасында бірінші болып тұр едім. Соңғы кездері жарыстарға қатыспай қалғандықтан рейтингім төмендеп кетті. Оралдағы халықаралық турнирде өз деңгейімді дәлелдегім келеді, - дейді Ресейдің Одесса қаласынан келген қатысушы АЛЕКСЕЙ ШЕСТАКОВ. Қазақстанда спорттың дамуына жасалып отырған зор қолдау тенниске де тың серпін берді. Елімізде бұл спортпен айналысушылар қатары жыл санап артып келеді. Жетістіктер де аз емес. - Пак, Дитковская деген теннисшілер бар. Олар халықаралық деңгейде өз шеберліктермен танылып үлгерген спортшылар. Ел намысын түрлі байрақты бәсекелерде абыроймен қорғап жүр. Осындай жастар көп, - дейді Халықаралық төреші АЛЕКСАНДР ЩЕРБИНА. Алыс-жақын шетелден келген спортшылар Оралдағы теннис орталығының жабдықталуына жоғары баға беруде. - Теннис орталығы өте керемет. Жаттығу өткізуге де, жарыстар ұйымдастыруға да қолайлы. Көрініп-ақ тұр, елде спорттың дамуына зор көңіл бөлінетіндігі. Соңғы бес жылда Қазақстанда осындай орталықтардың көптеп салынып жатқандығынан хабардармыз. Біздің Челябинск қаласында оқушылар сарайында екі жабық корт бар. Миллион тұрғыны бар қалаға ол аздық етеді. Сондықтан да сіздің елдегі спортқа деген зор қолдауға тәнтіміз, - дейді көрші елдің жаттықтырушысы ЗДИСЛАВ ПАРФИНОВИЧ. Оралдағы теннис орталығында 130-дай жас спортшы шеберліктерін шыңдауда. Бұл жолғы сайысқа оралдық өрендер қатыспағанымен де, өзге сындарда топ жарып жүргендері аз емес. Арман Курманалиев

Меню

Оралда үлкен теннистен халықаралық турнир өтті

Читайте также

Новости партнёров