Оралда жаңа зауыт іске қосылды

Облыстың құрылыс индустриясы саласында бетон өнімдерін шығаратын жаңа зауыт іске қосылды. Сапалы шикізаттан жасалған жергілікті өнімнің 8 түрі облыстың құрылыс нарығында пайдаланылуда. Индустрияландыру картасы аясында жүзеге асқан жоба облыстың экономикасына өз үлесін қоспақ. Бетон өнімдерін шығаратын жаңа зауыт тамыз айында іске қосылды. Батыс өңірдегі бірегей өндіріс толықтай автоматтандырылған. Заманауи құрал-жабдықтар еуропалық сапа стандарттарына сай. - Өндірістік тізбекті тікелей байланыс арқылы Германиядан қадағалауға болады. Бұл орын алған ақауларды тез анықтап, кем-кетікті жоюға мүмкі

Marat 26 ноября, 2016

Бетон өнімдерін шығаратын жаңа зауыт тамыз айында іске қосылды. Батыс өңірдегі бірегей өндіріс толықтай автоматтандырылған. Заманауи құрал-жабдықтар еуропалық сапа стандарттарына сай. - Өндірістік тізбекті тікелей байланыс арқылы Германиядан қадағалауға болады. Бұл орын алған ақауларды тез анықтап, кем-кетікті жоюға мүмкіндік береді. Озық технология өнімнің сапасына кепіл болады, - дейді «HESS-ORAL» ЖШС директоры Болат ШӘКІМОВ. Жаңа кәсіпорында шығарылатын төсемтас пен жиектастардың басты ерекшелігі - ауа райының сынағына төзімділігі болмақ. «Жалпы құны 870 млн теңгені құрайтын тың жобаның жүзеге асуына мемлекеттік қолдаудың көмегі зор болды» дейді кәсіпорын басшысы. - Мемлекеттік қолдаудың арқасында 6 пайызбен 7 жылға несие қаражат алдық. Тақыр жерден кәсіпорын ашып, өнім шығаруды бастап та кеттік. Болашақ жоспарымызда екінші желіні қосу ойымызда бар. Жаңа өндіріске қажетті шикізаттың дені облыс және ел аумағынан тасымалданады. Жоспарда екінші желіні іске қосу арқылы өнім көлемін ұлғайту көзделген. Жобаның индустрияландыру картасына енгізілуі жаңа кәсіпорынның аяғынан қаз тұруына сеп болды. Үш айдың ішінде 10 мың шаршы метр жиектас пен 40 мың шаршы метр төсемтас шығарылды. Сапалы өнім облыс нарығында пайдаланылуда. Қазір көршілес аймақтармен келіссөздер жүргізілуде. Сондай-ақ болашақта Орал және Ақсай қалаларында сынақ ретінде бетон төсемтастарды көлік жолдарына төсеу жоспарланып отыр. Мамандардың айтуынша, жаңа өнімдер асфальт жамылғыға қарағанда сапасы мен жарамдылық мерзімі жөнінен артықшылыққа ие. «Өңірде машинажасау саласымен қатар химия өнеркәсібі, металлургия, қағаздан жасалған бұйымдар, ағаш өңдеу өндірісінде едәуір өсім байқалады» дейді Батыс-Қазақстан облысының кәсіпкерлік және индустриалды-инновациялық даму басқармасы бөлімінің бас маманы ӘЛИЯ ИМАНҒАЛИЕВА.

Акерке Абишева

Меню

Оралда жаңа зауыт іске қосылды

Читайте также

Новости партнёров