Ақтөбеде демалыс күндері 11 жүргізуші мас күйінде темір тұлпар басқарған. Заң бұзғандардың арасында бұрын көлік басқару құқығын айырылып, мас күйінде рульге отырған жүргізуші де бар. Ол заң талаптарын елеп-ескермеген. Бұл туралы Polisia.kz хабарлайды.
Ақтөбенің полиция қызметкерлері өткен демалыс күндері жолда қауіпсіздікті қамтамасыз ету үшін жасырын патрульдеп, дрондарды қолданған. Нәтижесінде жол жүру ережесін бұзған 53 көлік арнайы тұраққа қойылыпты.
