Оралда дүкен тонағандар ұсталды. Бұл туралы облыстық полиция департаменті хабарлайды. Күдіктілер түнгі уақытта сауда-саттық ғимараттарына заңсыз кіріп, ақша мен азық-түлік, өзге өнімдерді қолды қылған. Баукеспелердің заңсыз іс-әрекеті кесірінен дүкен иелері бір миллион теңгеден астам шығынға батқан.
Полиция қызметкерлері ұрлықпен айналысқан екі адамды қолға түсірді. Қазіргі таңда күдіктілер уақытша ұстау изоляторына қамалған. Оларға қатысты қылмыстық іс қозғалыпты.
