Батыс Қазақстан облысында сот шешімін елемеген 19 шетелдік мәжбүрлі түрде елден шығарылды. Бұл туралы облыстық полиция департаменті хабарлайды.
Департамент таратқан ақпаратқа сүйенсек, биыл 1774 шетелдік азамат Батыс Қазақстан облысында уақытша тұруға рұқсат алған. Алайда құқық бұзушылықтың саны азаймай тұр. Үш айдың ішінде көші-қон заңнамасын бұзған бес мың адам әкімшілік жауапкершілік арқалапты. Биыл сот шешімімен 81 шетел азаматы мәжбүрлі түрде елден шығарылған.
