04 декабря 2016

Оралда бекіре балығы мен қара уылдырық өндіретін кешен іске қосылды

Орал қаласында бекіре балығы мен қара уылдырық өндіретін кешен жұмысы іске қоыслды. Индустрияландыру картасы аясына енген жоба осыдан үш жыл бұрын қолға алынған еді. Зауыт уылдырықтың алғашқы партиясын нарыққа шығарып та үлгерді. Иллюстративное фото с сайта sergeydolya.livejournal.com Иллюстративное фото с сайта sergeydolya.livejournal.com Жәңгірхандық ғалымдар бекіре балығын өсірумен осыдан он шақты жыл бұрын айналыса бастаған еді. Кейін ғылыми жобаның аясы кеңейіп, 2013 жылы аквакешен кәсіпорны құрылды. Бекіре еті мен уылдырығын өндіретін зауыт құрылысы басталды. Кәсіпорынның жалпы ауданы 12,6 мың шаршы метр. Мұндағы 52 бассейннің әрбірі 3 тоннадан астам балық ұстауға есептелген. Сұранысқа сай, бәсекеге қабілетті өнім шығаратын кәсіпорын өндірісі негізінен экспортқа бағытталған. - Кешенде бекіре балығы мен оның уылдырығын өндіреміз. Бұл қазіргі заманғы талаптарға сай тұйықталған судағы өндіріс. Балық шабағының өсуіне ерекше жағдай жасалған. Бекіре уылдырығы жаңа тәсілмен алынады және өңделеді. Өнім халықаралық дәрежеде сертификатталып, экспортқа шығарылады. Біздегі өнімділік балықты ашық айдындарда өсірген шаруашылықтарға қарағанда 4 есе артық, - дейді «Тәжірибе-өнеркәсіптік аква өндірісінің оқу-ғылыми кешені» ЖШС өндіріс жөніндегі директоры АХМЕДИЯР ЖҮНІСОВ. Қазіргі таңда алып аквакешеннің құрылысы аяқтала келді. Зауыт қуаттылығы - жылына 130 тонна бекіре еті мен 10 тонна қара уылдырық өндіру. Мұнда шоқыр, сібір және орыс бекіресімен қатар будандастырылған балық түрлері де өсіріледі. Кәсіпорын қара уылдырықтың алғашқы көлемін Қазақстан нарығына шығарып та үлгерген. Қазір іс басында 35 адам еңбек етеді. Кейін толық қуаттылығына көшкен кезде жұмысшылар саны 100-ге жетпек. - Жоба мақсаты – тек Қазақстан аумағында ғана емес, тұтас ТМД елдерінде ірі акваөндіріс кешенін құру. Жобаға сай зауыттың бассейндерінде 200 тонна балық өсіру жоспарланған. Жалпы құны 5,5 млрд. теңге. Ал әзірге 4,5 млрд. теңгенің жұмысы атқарылуда. Өнімнің 80 пайыз ын Еуроодақ елдеріне, БАӘ, АҚШ-на жібермекпіз. Ал облыста ауыл шаруашылығы өнімін өңдеп, жаңа жұмыс орындарын ашып, өңірдің әлеуметік-экономикалық дамуына өз үлесімізді қоспақпыз, - дейді «Тәжірибе-өнеркәсіптік аква өндірісінің оқу-ғылыми кешені» ЖШС бас директорының міндетін атқарушы АЛМАЗ САМАРХАНОВ. Индустрияландыру картасының аясында жобаға жұмсалған қаржының 20 пайызы субсидияланбақ. Мұндай алып кешен Қазақстандағы бірегей кәсіпорын. Ауыл шаруашылғы саласындағы қайта өңдеу кәсіпорынның іске қосылуы - Мемлекет басшысы тапсырмасының орындалуы дейді облыс әкімі. Жалпы өңірде бүгінде индустрияландыру картасының аясында құны 334 млрд теңге болатын 47 жоба жүзеге асырылуда. Экономикаға тың серпін берер жаңа жобалардың іске қосылуы келер күнде де жалғасын таппақ. Арман Курманалиев
Стали очевидцем происшествия?  WhatsApp