Назарбаев қазақстандықтарды келе жатқан Тәуелсіздік күнімен құттықтады

Еліміздің Тәуелсіздігі күні қарсаңында Қазақстан президенті бір топ азаматты мемлекеттік наградалармен марапаттап, қазақстандықтарды келе жатқан Тәуелсіздік күнімен құттықтады деп хабарлайды NUR.KZ. Фото с сайта newskaz.ru "Мен сіздерді жаңа істі бастауға, жаңа биіктерді алуға, еңбекте және барлық бастамаларда жаңа шығармашылық шешімдер қабылдауға ынталандыра алдым деген үміттемін. Бүгін мен жұмысшыларды марапаттадым, демек бұл барлық жұмысшылар ынталандырылды деген сөз. Бүгін-ертең біздің елдің орден, сыйлықтарымен мыңдаған азаматтар марапатталатын болады. Бұдан бөлек, мен "Тәуелсіздікке 25 жыл" арнайы төсбелгілерімен марапатталған барлық қазақстандықтарды құтықтаймын. Ал азаматтарымызды жарқын мереке - тәуелсіздіктің 25 жылдық мерейтойымен құттықтаймын", - деді Нұрсұлтан Назарбаев. Президенттің жарлығымен елдің әлеуметтік-экономикалық және мәдени дамуына, халықтар арасындағы достық пен ынтымақтастықты нығайтуға қосқан елеулі үлесі және белсенді қоғамдық қызметі үшін марапатталғандардың ардың қатарында өндіріс, бизнес, білім беру, денсаулық сақтау салаларының көрнекті өкілдері, әскери қызметшілер, құқық қорғау органдары қызметкерлері, спортшылар, соғыс және еңбек ардагерлері, мәдениет және ғылым қайраткерлері бар. Олардың арасында І дәрежелі «Барыс» орденімен мараптталған президент әкімшілігінің басшысы Ә.Р.Жақсыбеков және Жоғарғы Соттың төрағасы Қ.Ә.Мәми, Ұлттық қауіпсіздік комитетінің төрағасы К.Қ.Мәсімов, Қазақстанның Ресейдегі Төтенше және өкілетті елшісі М.М.Тәжин, ІІІ дәрежелі «Барыс» орденімен мараптталғандардың арасында композитор А.Қоразбаев, «Нұр Отан» партиясы төрағасының бірінші орынбасары М.А.Құл-Мұхаммед сынды елге белгілі азаматтар бар. 16 желтоқсан – ата бабамыздың арманы орындалып, жасампаздығымызды жаңа белеске көтерген Тәуелсіздік күні. 1991 жылғы 16 желтоқсанда президент Нұрсұлтан Назарбаев қол қойған Конституциялық Заңнан бастау алған тәуелсіздігімізге 24 жыл толды. Бұл атаулы күн 1991 жылғы желтоқсанның 16-сында Қазақстан Республикасының Президенті Н.Ә.Назарбаев қол қойған «Қазақстан Республикасының мемлекеттік тәуелсіздігі туралы» және 2008 жылғы 25 маусымдағы және 2009 жылғы 22 сәуірдегі заңдармен өзгертулер енгізілген 2001 жылғы желтоқсанның 13-інде «Қазақстан Республикасындағы мерекелер туралы» Қазақстан Республикасы заңдарына сәйкес атап өтіледі.