Барлық рәсімдер мемлекеттік сатып алу туралы заңнама шеңберінде өткізілді - Бөрлі ауданы әкімдігі

Ақсай қаласындағы көпқабатты үйлерді LED-пиксельдермен безендіру бойынша ресми түрде жауап берілді, деп хабарлайды "Мой ГОРОД" порталының тілшісі. Бөрлі ауданы әкімдігі 26 шілдедегі Асхат Байкеннің Facebook әлеуметтік желісінде жазған постқа қатысты ресми түрде жауап қайтарды. - 2020 жылы Бөрлі ауданының құрылғанына 85 жыл толады. Бүгінгі таңда оның құрамына 12 ауылдық округ және 2013 жылы моноқала мәртебесін алған Ақсай қаласы (1967 жылға дейін Қазақстан станциясы) кіреді. Өткен жылы Ақсай қаласы бойынша 4 көпқабатты тұрғын үйді жарықдиодты пиксельмен безендіру жұмыстары жүргізілді. Нәтижесі тұрғындарға ұнап, басым бөлігі қаланың безендірілуін жақсы қабылдады. Осыған орай, аудандық қоғамдық келісім кеңесінің мүшелері аудан орталығында орналасқан көп қабатты үйлерді жарықпен безендіру туралы бастама көтерді. Шаһардағы 4, 5 және 10 шағынаудандағы үйлер 1980-ші жылдары Кеңес, чех және неміс құрылысшылары салған. Аудан тарихының бұл кезеңі Қарашығанақ игерудің басталуымен байланысты. Содан кейін аудан қарқынды дами бастады. Бүгінгі таңда Ақсайдағы көпқабатты үйлердің жалпы саны 146. Тағы 3 үй (2 тоғыз қабатты және 1 бес қабатты) бой көтеруде. Қаладағы үйлердің қасбеттерін безендіру бастамасын ауылдық қоғамдық келісім кеңестері мен ақсақалдар кеңесі қолдады, - деген жауап әкімдіктің Facebook парақшасында жазылған. - 2020 жылғы 11 наурыздағы №4 аудандық бюджеттік комиссия отырысының хаттамасына сәйкес 17 көппәтерлі үйді түрлі-түсті жарықдиодты LED-пиксельдермен безендіруге 70 млн теңге бөлінді. Орындалған жұмыстар актісі бойынша 13 млн.теңге үнемделді және тиісінше шарт сомасын азайту бойынша қосымша келісім жасалды. Барлық рәсімдер Мемлекеттік сатып алу туралы заңнама шеңберінде өткізілді. Одан басқа әкімдік ауданда пандемия кезінде жасалған жұмыс туралы ақпаратты қоса кеткен. - Бөрлі ауданының әкімдігі өңірде қойылған 4 блокбекетті толық қамтамасыз етті: - оның ішінде, материалдық-техникалық қамтамасыз ету; - 3 рет тамақтану; - кадр тапшылығына байланысты аудандық ауруханада инфекциялық және провизорлық бөлімшелерде жұмыс істеу үшін медициналық мамандар шақырылды; - медицина қызметкерлері тұрғын үймен және тамақпен қамтамасыз етілді; - аудандық аурухана үшін дәрі-дәрмектер мен қажетті препараттар сатып алынды; -ауданның (аудандық аурухана) денсаулық сақтау қажеттіліктері мен блок бекеттеріне қызмет көрсету үшін көліктік байланыс орнатылды; -дезинфекциялық жұмыстар жүргізілді (көктемгі карантин кезеңінде барлық аудан аумағында, қазіргі уақытта – саябақтар мен қоғамдық орындар); -"Сұңқар Ақсай" ҚБ мен жастармен жұмыс жөніндегі ресурстық орталықпен бірлесіп өткізген акцияда тұрғындарға қолдау көрсетілді; - мониторингтік топтардың қызметі бақылауда. Қажетті жұмыс қазіргі уақытта жүргізілуде және жалғасатын болады. Мы дорожим каждым нашим подписчиком и читателем, поэтому, пожалуйста, внимательно ознакомьтесь с рекомендациями при комментировании.