Атырауда тұрмыстық зорлық-зомбылықтың кесірінен әйел адам жан тапсырды. Облыстық полиция департаментінің таратқан ақпарына сүйенсек, қанды оқиға туралы хабарлама 16 наурызда шамамен сағат 03.30-да келіп түскен.
Қазіргі таңда 62 жастағы күдікті қолға түсіп, полицияға бөліміне жеткізілген. Облыстық полиция департаменті мән-жай анықталуда деп хабарлады. Аталған дерек бойынша «Адам өлтіру» бабы бойынша қылмыстық іс тіркеліп, сотқа дейінгі тергеп-тексеру басталған.
Atyrauoil.official парақшасының таратқан ақпарына сүйенсек, марқұм №16 мектепте мұғалім болып жұмыс істеген екен.
